കോൺഗ്രസിന് കേരളത്തിൽ നിന്ന് പുതിയ നേതൃത്വം

റായ്പുരിൽ 24ന് ആരംഭിക്കുന്ന കോൺഗ്രസ് പ്ലീനറി സമ്മേളനത്തിൽ കേരളത്തിൽ നിന്ന് പുതിയ നേതൃത്വം വരുമോ. യുഡി. എഫ് നേതൃത്വം ഡൽഹിയിലേക്ക് കണ്ണും നട്ടര കാത്തിരിക്കുന്നത് അതിനാണ്. നിലവിലെ പ്രവർത്തകസമിതി അംഗങ്ങളായ എ.കെ. ആന്റണിയും ഉമ്മൻ ചാണ്ടിയും പങ്കെടുത്തേക്കില്ല. ഇരുവരും ദേശീയ നേതൃനിരയിൽനിന്നു പിൻവാങ്ങുന്നതിന്റെ സൂചനയാണിത്. 1969 മുംബൈ സമ്മേളനം മുതൽ എഐസിസിയിൽ പങ്കെടുത്ത നേതാക്കളാണ് ഇരുവരും. ബെംഗളൂരുവിൽ ചികിത്സയിലുള്ള ഉമ്മൻ ചാണ്ടിക്ക് സമ്മേളനത്തിൽ പങ്കെടുക്കാൻ കഴിയില്ല. റായ്പുരിലേക്ക് ഇല്ലെന്ന നിലപാടിലാണ് ആന്റണിയും. ഇക്കാര്യം എഐസിസിയെ അറിയിച്ചതായും വിവരമുണ്ട്. മകൻ പാർട്ടി വിട്ടതോടെ ്ാഹുലും പ്രിയങ്കയും ആന്റെണിയുമായി ഇപ്പോപ്പ നല്ല ബന്ധത്തിൽ അല്ല. ആന്ധ്രയുടെ ചുമതലയുള്ള എഐസിസി ജനറൽ സെക്രട്ടറിയായ ഉമ്മൻ ചാണ്ടി ആ പദവിയിൽ നിന്നു മാറുമെന്ന് ഉറപ്പാണ്. ആരോഗ്യ പ്രശ്‌നമുള്ളതിനാൽ പ്രവർത്തകസമിതിയിൽ നിന്നും ഒഴിവാകും. പകരം വരേണ്ടവരുടെ കാര്യത്തിൽ ഇരുവരുടെയും അഭിപ്രായം തേടിയേക്കും. രമേശ് ചെന്നിത്തല, ശശി തരൂർ, കൊടിക്കുന്നിൽ സുരേഷ് എന്നിവരുടെ പേരുകളുയർന്നിട്ടുണ്ട്. എന്നാൽ സംസ്ഥാന നേതൃത്വങ്ങളുടെ ഹിതത്തിനു വിപരീതമായ നിലപാട് രാഹുൽ എടുക്കില്ല.