മനം നിറക്കും കാഴ്ചകള്‍: മേഘങ്ങള്‍ ഓമനിക്കും നെല്ലിയാമ്പതി

പാലക്കാട് ജില്ലയിലെ പ്രശസ്തമായ വിനോദ സഞ്ചാര കേന്ദ്രങ്ങളില്‍ ഒന്നാണ് നെല്ലിയാമ്പതി. മേഘങ്ങള്‍ ഓമനിക്കുന്ന നെല്ലിയാമ്പതി മലനിരകള്‍ ആരേയും ആകര്‍ഷിക്കുന്ന കാഴ്ചയാണ്. സമുദ്രനിരപ്പില്‍ നിന്ന് ഏകദേശം 467 മീറ്റര്‍ മുതല്‍ 1572 മീറ്റര്‍ വരെ ഉയരത്തിലാണ് ഈ മലനിരകൾ സ്ഥിതി ചെയ്യുന്നത്. പാലക്കാടന്‍ സമതലങ്ങളുടെ ചൂടില്‍ നിന്ന് നെല്ലിയാമ്പതി മലനിരകളുടെ ഈ കാഴ്ച തന്നെ കുളിര്‍മ്മയേകും. നെന്മാറയില്‍ നിന്ന് പോത്തുണ്ടി അണക്കെട്ട് വഴിയുള്ള റോഡിലൂടെ സഞ്ചരിച്ച് വേണം നെല്ലിയാമ്പതിയില്‍ എത്താന്‍. ഈ റൂട്ടില്‍ ഏകദേശം 10ഓളം ഹെയര്‍പിന്‍ വളവുകളുണ്ട്. ബോട്ടിംഗ് സൗകര്യമുള്ള ചെറിയൊരു അണക്കെട്ടാണ് പോത്തുണ്ടിയിലേത്. യാത്രക്കിടയില്‍ ഒരു ഉല്ലാസത്തിന് ഇറങ്ങാന്‍ യോജിച്ച സ്ഥലം. നെല്ലിയാമ്പതിയിലേക്കുള്ള ചുരം കയറുമ്പോള്‍ വഴിയിലുടനീളം പാലക്കാടന്‍ സമതലങ്ങളും നെല്‍പാടങ്ങളും തെങ്ങിന്‍ തോപ്പുകളും കാഴ്ച വിരുന്നൊരുക്കുന്നു. ബോൾഡ് ആൻഡ് ബ്യൂട്ടിഫുൾ ശ്രിയ | വിഷ്വൽ സ്റ്റോറി കാണാം മുകളിലേക്കുള്ള വഴിയില്‍ ഇരുവശവും തോട്ടങ്ങളാണ്. വിവിധ കമ്പനികളുടെ വക തേയിലത്തോട്ടങ്ങളും ഓറഞ്ച് തോട്ടങ്ങളും സ്വകാര്യ സംരംഭകരുടെ ഹോട്ടലുകളും റിസോര്‍ട്ടുകളും ഇവിടെ നിരവധിയുണ്ട്. പലകപ്പാണ്ടി എസ്റ്റേറ്റിന് വളരെ അടുത്താണ് സീതാര്‍കുണ്ട് വെള്ളച്ചാട്ടം. പലകപ്പാണ്ടിയില്‍ നിന്ന് മാമ്പാറ വരെ ജീപ്പിലോ, നടന്നോ സന്ദര്‍ശകര്‍ക്കു പ്രകൃതി ഭംഗി ആസ്വദിക്കാം. കാട്ടുപോത്ത്, ആന, പുള്ളിപ്പുലി, മലയണ്ണാന്‍ തുടങ്ങിയ വന്യജീവികളെയും നെല്ലിയാമ്പതി യാത്രയില്‍ കാണാം. കൂടാതെ പക്ഷിനിരീക്ഷകരുടെ പറുദ്ദീസ കൂടിയാണിവിടം. എങ്ങനെ എത്താം അടുത്തുളള റെയില്‍വേ സ്റ്റേഷന്‍ : പാലക്കാട്, 56 കി. മീ, വിമാനത്താവളം : കോയമ്പത്തൂര്‍ (തമിഴ്നാട്), 55 കി. മീ.