പള്‍സര്‍ സുനിയുടെ നീക്കങ്ങള്‍ പോലീസ് അറിഞ്ഞത് അഭിഭാഷകയുടെ നീക്കങ്ങള്‍ നിരീക്ഷിച്ച്

പള്‍സര്‍ സുനിയുടെ നീക്കങ്ങള്‍ പോലീസ് അറിഞ്ഞത് അഭിഭാഷകയുടെ നീക്കങ്ങള്‍ നിരീക്ഷിച്ച്. വ്യാഴാഴ്ച ഉച്ചയ്ക്ക് അഭിഭാഷക കോടതിയില്‍ എത്തിയപ്പോഴേക്കും സുനി പോലീസില്‍ കീഴടങ്ങുമെന്ന് പോലീസിന് സൂചന ലഭിച്ചിരുന്നു. സുനി എത്തിയാല്‍ പിടിക്കാനുറച്ച് പോലീസ് മഫ്തിയില്‍ നിലയുറപ്പിച്ചിരുന്നു. എന്നാല്‍ കോടതിയുടെ പിന്നിലെ മതില്‍ വഴി സുനി എത്തിയതാണ് പോലീസിന്റെ കണക്കുകൂട്ടല്‍ തെറ്റിച്ചത്. ആദ്യം തിരുവനന്തപുരത്ത് കീഴടങ്ങാനായിരുന്നു സുനിയുടെ പദ്ധതി. ഇതിനായി അഭിഭാഷക ഇന്നലെ തിരുവനന്തപുരത്ത് എത്തിയിരുന്നു. എന്നാല്‍ പിന്നീട് പദ്ധതി മാറ്റുകയും എറണകുളത്ത് കീഴടങ്ങാന്‍ തീരുമാനിക്കുകയുമായിരുന്നു.