ഇനിയും നിരക്ക് കൂട്ടണം കെ. എസ് ഇ ബി

സ്റ്റാഫ് റിപ്പോര്‍ട്ടര്‍

പാലക്കാട്: ജനങ്ങളുടെ കൈപൊള്ളിച്ച വൈദ്യുതി നിരക്ക് വര്‍ദ്ധന പോരന്നും ഇനിയും കൂട്ടണമെന്നുമുള്ള ആവശ്യവുമായി വൈദ്യുതി ബോര്‍ഡ് രംഗത്ത് . വൈദ്യുതി നിരക്ക് വര്‍ദ്ധിപ്പിച്ചത് കുറഞ്ഞുപോയെന്നാണ് ഇവരുടെ നിലപാട്.

കെഎസ്ഇബി. തങ്ങളോട് ചോദിക്കാതെയാണ് താരിഫ് നിശ്ചയിച്ചത്. നിലവിലെ നഷ്ടം നികത്താന്‍ ഇതുകൊണ്ട് സാധിക്കില്ല. ഒമ്പത് മാസത്തെ കണക്കെടുപ്പില്‍ വൈദ്യുതി ബോര്‍ഡിന്റെ നഷ്ടം 1,400 കോടിയായി. മൂന്ന് മാസം കൂടി കഴിയുമ്പോള്‍ നഷ്ടം 1,750 കോടി കവിയും. അതിനാല്‍ കമ്മീഷന്റെ നടപടിക്രമങ്ങളില്‍ പുനഃപരിശോധന ആവശ്യമാണെന്നും വൈദ്യുതി വകുപ്പ് അക്കൗണ്ട്‌സ് വിഭാഗം സര്‍ക്കാറിനെ അറിയിക്കും.

നിലവില്‍ കെഎസ്ഇബി യില്‍ 35,000 ജീവനക്കാരുണ്ട്. എന്നാല്‍, കമ്മീഷന്റെ കണക്കില്‍ ഇരുപത്തി അയ്യായിരവും. കമ്മീഷന്‍ പറയുന്ന തരത്തില്‍ മുന്നോട്ടു പോകണമെങ്കില്‍ പതിനായിരം ജീവനക്കാരെ പിരിച്ചുവിടണം. കമ്മീഷന്റെ കണക്കില്‍പ്പെടാത്ത ജീവനക്കാര്‍ക്കും കെഎസ്ഇബി ശമ്പളം നല്‍കുന്നുണ്ട് ഈ രീതിയില്‍ ശമ്പളം നല്‍കി മുന്നോട്ടു പോകണമെങ്കില്‍ വീണ്ടും ഒരു നിരക്ക് വര്‍ദ്ധന വേണമെന്നാണ് ഉദ്യോഗസ്ഥരുടെ ആവശ്യം.