മാന്യതയില്ലാത്തവരുടെ സ്ഥാനം ചവറ്റുകൊട്ട : പന്ന്യന്‍ രവീന്ദ്രന്‍

ദേവികുളം സബ്കളക്ടര്‍ ശ്രീറാം വെങ്കിട്ടരാമനെതിരെ മോശം പരാമര്‍ശം നടത്തിയ മന്ത്രി എംഎം മണിയെ രൂക്ഷമായി വിമര്‍ശിച്ച് സിപിഐ നേതാവ് പന്ന്യന്‍ രവീന്ദ്രന്‍. വാര്‍ത്തയ്ക്കുവേണ്ടി എന്തും വിളിച്ച് പറയുന്നവര്‍ ഇരിക്കുന്ന സ്ഥാനത്തെക്കുറിച്ച് ഓര്‍ക്കണമെന്നും പന്ന്യന്‍ പറഞ്ഞു. മാന്യതയില്ലാതെ സംസാരിക്കുന്നവരുടെ ചരിത്രത്തിലെ സ്ഥാനം ചവറ്റുകൊട്ടയിലായിരിക്കുമെന്നും ഇത്തരക്കാര്‍ക്ക് മറുപടി നല്‍കാന്‍ താല്‍പര്യമില്ലെന്നും പന്ന്യന്‍ കുട്ടിച്ചേര്‍ത്തു.

ഇടുക്കിയിലെ മത ചിഹ്നഹ്‌നങ്ങളെല്ലാം പട്ടയമില്ലാത്ത ഭൂമിയിലാണെന്നും അതു നീക്കാന്‍ ശ്രമിക്കുന്ന സബ് കളക്ടറെ ഊളമ്പാറയ്ക്ക് വിടണമെന്നുമാണ് മണി പരിഹസിച്ചത്. മണിക്കെതിരെ രൂക്ഷ വിമര്‍ശനവുമായി സിപിഐ പ്രതിപക്ഷ രാഷ്ട്രീയ നേതാക്കള്‍ രംഗത്തെത്തിയിട്ടുണ്ട്.