സംസ്‌ഥാനത്തു റേഷന്‍ കരിഞ്ചന്തയുണ്ടെന്നു തുറന്നുസമ്മതിച്ച്‌ ഭക്ഷ്യമന്ത്രി

സംസ്‌ഥാനത്തു റേഷന്‍ കരിഞ്ചന്തയുണ്ടെന്നു ഭക്ഷ്യമന്ത്രി പി. തിലോത്തമന്‍. റേഷന്‍ സാധനങ്ങളില്‍ 60 ശതമാനമേ ജനങ്ങളില്‍ എത്തുന്നുള്ളൂവെന്നും ബാക്കി 40% ചോരുകയാണെന്നും മന്ത്രി നിയമസഭയില്‍ വ്യക്‌തമാക്കി. റേഷന്‍ വ്യാപാരികളില്‍ ചിലര്‍ ക്രമക്കേട്‌ നടത്തി തടിച്ചുകൊഴുക്കുകയാണ്‌. വ്യാപാരിസമരം തീര്‍പ്പാക്കാന്‍ 20-നു മുഖ്യമന്ത്രിയുടെ സാന്നിധ്യത്തില്‍ ചര്‍ച്ചനടത്തുമെന്നും അദ്ദേഹം അറിയിച്ചു. റേഷന്‍ വ്യാപാരികള്‍ക്കു കൃത്യമായ വരുമാനമില്ലാത്തതിനാല്‍ അവര്‍ പലവഴിക്കു വരുമാനം ഉണ്ടാക്കാന്‍ ശ്രമിക്കുന്നുണ്ടെന്നു മുഖ്യമന്ത്രി പിണറായി വിജയനും ചൂണ്ടിക്കാട്ടി.