പിണറായി വിജയന് ഇന്ന് 73ാം പിറന്നാള്‍

മുഖ്യമന്ത്രി പിണറായി വിജയന് ഇന്ന് 73ാം പിറന്നാള്‍. എന്നാല്‍ കാര്യമായ ആഘോഷപരിപാടികള്‍ ഒന്നുംതന്നെ ഇല്ല. നിയമസഭാ സമ്മേളനം നടക്കുന്നതിനാല്‍ രാവിലെ തന്നെ സഭയില്‍ എത്തി. മുഖ്യമന്ത്രിക്ക് പ്രതിപക്ഷ നേതാവ് രമേശ് ചെന്നിത്തലയും സ്പീക്കര്‍ പി.ശ്രീരാമകൃഷ്ണനും പിറന്നാള്‍ ആശംസകള്‍ നേര്‍ന്നു.

ഔദ്യോഗിക രേഖകളില്‍ മാര്‍ച്ച് 21 ആണ് പിണറായി വിജയന്റെ ജനനതീയതി. എന്നാല്‍ യഥാര്‍ത്ഥ പിറന്നാള്‍ മേയ് 24 ആണെന്ന് കഴിഞ്ഞ വര്‍ഷമാണ് അദ്ദേഹം വെളിപ്പെടുത്തിയത്. സത്യപ്രതിജ്ഞയ്ക്കു ശേഷമുള്ള വാര്‍ത്താസമ്മേളനത്തില്‍ മാധ്യമപ്രവര്‍ത്തകര്‍ക്ക് മധുരം വിതരണം ചെയ്തുകൊണ്ടാണ് പിണറായി തന്നെ ഇക്കാര്യം അറിയിച്ചത്.