നടുറോഡില്‍ കന്നുകുട്ടിയെ കൊല്ലുന്നതും,ബീഫിന്റെ പേരില്‍ തീറ്റ മല്‍സരം നടത്തുന്നതും വിവരവും വിദ്യാഭ്യാസവുമില്ലാത്തവരുടെ പണിയാണ് നടന്‍ ജോയ് മാത്യു

നടുറോഡില്‍ കന്നുകുട്ടിയെ കൊന്ന് ചോര ഇറ്റിറ്റു വീഴുന്ന മാംസം വീതിച്ചു നല്‍കുന്ന അഹിംസാ വാദികളുടെ യുവജന സംഘടനയ്‌ക്കെതിരെയും ബീഫ് ഫെസ്റ്റിവലിന്റെ പേരില്‍ നടുറോഡില്‍ തീറ്റ മല്‍സരം നടത്തുന്ന യുവജനസംഘടനക്കാരേയും വിമമര്‍ശിച്ച് നടനും സംവിധായകനുമായ ജോയ് മാത്യുവിന്റെ ഫേസ് ബുക് പോസ്റ്റ്

എങ്ങിനെയെങ്കിലും അധികാരത്തിലെത്തിപ്പെടാനുള്ള തത്രപ്പാടിലാണു നമ്മുടെ നാട്ടിലെ യുവ നേതാക്കള്‍ -എങ്ങിനെയെങ്കിലും മാധ്യമ ശ്രദ്ധപിടിച്ചുപറ്റുക അതിലൂടെ M L A യൊ M P യൊ മന്ത്രിതന്നെയോ ആവുക - അതിന്റെ ഏറ്റവും പുതിയ ദ്രഷ്ടാന്തമാണു യൂത്ത് കോണ്‍ഗ്രസ്സ് പ്രവര്‍ത്തകര്‍ ഒരു കന്നുകുട്ടിയെ നടുറോട്ടിലിട്ട് ക്രൂരമായി അറുത്ത് മുറിച്ച് ചോരയിറ്റുന്ന മാംസം വീതിച്ചു നല്‍കിയത് -അഹിംസാ സിദ്ധാന്തത്തിന്റെ പ്രചാരകരാണു ഇപ്പണി ചെയ്തത് എന്നോര്‍ക്കുംബോള്‍ നമ്മള്‍ മലയാളികള്‍ ഗാന്ധിസത്തിന്റെ പുതുപാഠങള്‍ കണ്ട് ഞെട്ടിപ്പോകും-

ഇനി മറ്റൊരു യുവജന സംഘടനയുടെ വിപ്ലവമെന്താണെന്ന് വെച്ചാല്‍ ബീഫ് ഫെസ്റ്റിവല്‍ എന്ന പേരില്‍ നടുറോട്ടില്‍ തീറ്റമല്‍സരം നടത്തുക-ഫലത്തില്‍ ഇതൊക്കെ ആരെയാണു സഹായിക്കുക എന്ന് ഇവര്‍ ആലോചിച്ചിട്ടുണ്ടൊ? ഒരുകാര്യം എനിക്കു ബോദ്ധ്യമായി വിദ്യാഭ്യാസവും വിവരവും ഉള്ള പുതിയ കുട്ടികളെ ഇമ്മാതിരി അസംബന്ധ നാടകങ്ങളിലൊന്നും കാണുന്നില്ല - കാരണം അവര്‍ക്ക് സമാധാനമായി ജീവിച്ചാല്‍ മതി .അല്ലാതെ ഭരണത്തിന്റെ ശര്‍ക്കര ഭരണിയില്‍ കയ്യിട്ട് അവര്‍ക്ക് നക്കണ്ട- അതുകൊണ്ട് ഞാന്‍ അവരോടൊപ്പം