കൊച്ചിബോട്ടപകടം: ഇടിച്ചത് ആംബര്‍ കപ്പല്‍ തന്നെ, ക്യാപ്റ്റന്‍ കസ്റ്റഡിയില്‍

കൊച്ചിയില്‍ മത്സ്യബന്ധന ബോട്ടില്‍ ഇടിച്ചത് ആംബര്‍ എന്ന കപ്പല്‍ തന്നെയാണെന്ന് സ്ഥിരീകരിച്ചു. ഇതു സംബന്ധിച്ച് മര്‍ക്കന്റയിന്‍ മറൈന്‍ ഡിപ്പാര്‍ട്ട്‌മെന്റ് കേന്ദ്ര ഷിപ്പിംഗ് മന്ത്രാലയത്തിനു റിപ്പോര്‍ട്ട് നല്‍കി. എന്നാല്‍ അപകടസ്ഥലം കൃത്യമായി കണ്ടെത്താനായിട്ടില്ല. കേരള തീരത്തു നിന്ന് 14.1 നോട്ടിക്കല്‍ മൈല്‍ അകലെ വെച്ചാണ് അപകടമുണ്ടായതെന്നാണ് ധാരണ.

കപ്പലിന്റെ ക്യാപ്റ്റനെയും നാവികനേയും പോലീസ് കസ്റ്റഡിയിലെടുത്തു. ക്യാപ്റ്റന്‍ ജോര്‍ജിയനാക്കിസ് അയോണിസ്, നാവികന്‍ സെവാന്‍ എന്നിവരെയാണ് കസ്റ്റഡിയിലെടുത്തത്. കാണാതായ ഒരാള്‍ക്കായി തിരച്ചില്‍ തുടരുകയാണ്.