കിമ്പളം കുറഞ്ഞു റേഷന്‍ വിതരണം അട്ടിമറിച്ചു

അഴിമതി ഒഴിവാക്കാന്‍ മുഖ്യമന്ത്രി തുടക്കമിട്ട പദ്ധതിക്ക് ഉദ്യോഗസ്ഥരുടെ പാര. റേഷനിങ്ങ് സംമ്പ്രാദയത്തില്‍ വന്‍ അഴിമതി നടക്കുന്ന മൊത്ത വിതരണ മേഖല സിവില്‍ സപ്‌ളൈസ് കോപ്പറേഷന്‍ ഏറ്റെടുത്ത നീക്കമാണ് അട്ടിമറിക്കപ്പെടുന്നത്.

വകുപ്പ് ഭരിക്കുന്ന പാര്‍ട്ടിയിലെ ഉന്നതന്റെ പിന്‍തുണയോടെയാണ് നീക്കം. ജൂണിലെ വിഹിതത്തിന്റെ 50 ശതമാനം ഭക്ഷ്യധാന്യം പോലും റേഷന്‍ കടകളില്‍ എത്തിയില്ല. എല്ലാ മാസവും വിതരണം ചെയ്യേണ്ട റേഷന്‍ മൂന്നുമാസം മുമ്പ് തന്നെ സംഭരിക്കണമെന്നാണ് നിയമം. ഫുഡ് കോര്‍പ്പറേഷന്‍ ഓഫ് ഇന്ത്യ (എഫ്‌സിഐ) ഗോഡൗണുകളില്‍ ഇതിനായി കേന്ദ്ര ഭക്ഷ്യമന്ത്രാലയം ആവശ്യത്തിന് ഭക്ഷ്യധാന്യം ലഭ്യമാക്കിയിരുന്നു. എന്നാല്‍, എഫ്‌സിഐയില്‍ നിന്ന് ഇവ സംഭരിക്കേണ്ട സിവില്‍ സപ്ലൈസ് കോര്‍പ്പറേഷന്‍ (സപ്ലൈകോ) വീഴ്ച വരുത്തി. ഗോഡൗണില്ലന്ന് പറഞ്ഞാണ് ഇത് മുടക്കിയിരിക്കുന്നത് അതു കൂടാതെ വിതരണത്തിനുള്ള ലോറി ടെന്‍ഡറും നടത്തിയിട്ടില്ല.

സംസ്ഥാനത്ത് ഒരുമാസം 1,31,297 മെട്രിക് ടണ്‍ റേഷനാണ് വിതരണം ചെയ്യുന്നത്. എന്നാല്‍, സപ്ലൈകോയ്ക്ക് 1.25 ലക്ഷം മെട്രിക് ടണ്‍ സംഭരിക്കാനുള്ള ഗോഡൗണേയുള്ളൂ. മൂന്നുമാസത്തെ റേഷന്‍ ഒന്നിച്ച് സംഭരിക്കാന്‍ 3,93,891 മെട്രിക് ടണ്‍ സംഭരണ ശേഷി വേണം. ഗോഡൗണുകള്‍ വേണമെങ്കില്‍ വാടകയ്ക്ക് എടുക്കാമെന്ന നിയമപരമായി തന്നെ അനുമതി ഉള്ളപ്പോഴാണ് ഈ നടപടി.

കാര്‍ഡുടമകള്‍ക്ക് ഒറ്റത്തവണയായി മുഴുവന്‍ റേഷന്‍ വിഹിതവും നല്‍കണമെന്നാണ് വ്യവസ്ഥ. മാസം പകുതി കഴിഞ്ഞിട്ടും പകുതി വിഹിതം പോലും എത്താത്തതിനാല്‍ പലവട്ടം അരിക്കായി കയറിയിറങ്ങേണ്ട അവസ്ഥയിലാണ് കാര്‍ഡുടമകള്‍. പ്രതിസന്ധിയിലാക്കി എങ്ങനെയും വമ്പന്‍മാരായ മസൊത്തവതിരണക്കാരെ പിന്‍വാതിലൂടെ കളത്തിലിറക്കാനാണ് നീക്കം. കോടികളുടെ കൈക്കൂലിയാണ് മൊത്തവിതരണ മേഖലയില്‍ നടന്നിരുന്നത്. പ്രതിമാസം പടിയാണ് ശമ്പത്തിനൊത്ത തുകയാണ് ഈ മേഖലയില്‍ ഉദ്യോഗസ്ഥര്‍ക്ക് ലഭിച്ചിരുന്നത്. അതാണ് പുതിയ സംവിധാനമെത്തിയപ്പോള്‍ മുടങ്ങിയത്.