ഐഎസ് ബന്ധം: ഗള്‍ഫില്‍ നിന്നും കാണാതായ 338 മലയാളികളെക്കുറിച്ച് അന്വേഷിക്കുന്നു

ഐഎസ് കേന്ദ്രത്തിലേക്ക് അമേരിക്ക നടത്തിയ ആക്രമണത്തില്‍ മലയാളികള്‍ കൊല്ലപ്പെട്ടതിന് പിന്നാലെ നിരവധി മലയാളികള്‍ ഐഎസ് കേന്ദ്രങ്ങളില്‍ പ്രവര്‍ത്തിക്കുന്നതായി സൂചന. ദേശീയ അന്വേഷണ ഏജന്‍സിയാണ് റിപ്പോര്‍ട്ട് പുറത്ത് വിട്ടിരിക്കുന്നത്‌ .

ഗള്‍ഫ് രാജ്യങ്ങളില്‍ നിന്നും കാണാതായ 338 പേരുടെ വിവരങ്ങള്‍ ലഭ്യമാക്കണമെന്ന് ഇന്റിലജന്‍സ് നിര്‍ദ്ദേശം നല്‍കിയതായും റിപ്പോര്‍ട്ടുകളുണ്ട്. കാണാതായവരെക്കുറിച്ച് ബന്ധുക്കള്‍ പോലീസിലോ എംബസികളിലോ പരാതി നല്‍കിയിട്ടില്ലെന്നതും സംശയം വര്‍ദ്ധിപ്പിക്കാന്‍ കാരണമായിട്ടുണ്ട്. എന്നാല്‍, മയക്കുമരുന്ന് കേസില്‍ അറബ് രാജ്യങ്ങളില്‍ ശിക്ഷാനടപടിക്ക് വിധേയരായവരും ഇക്കൂട്ടത്തിലുണ്ടാകാം എന്നും സംശയമുണ്ട്.