ഒളിച്ചോടുന്നതിനിടെ ബൈക്ക് അപകടത്തില്‍ യുവാവിന് ദാരുണാന്ത്യം

കാമുകിയുമായി ഒളിച്ചോടുന്നതിനിടെ യുവാവിന് ദാരുണാന്ത്യം. കാഞ്ചീവരത്തിന് സമീപം പൊദവൂര്‍ സ്വദേശിയായ രാഹുല്‍ (26) ആണ് മരിച്ചത്. ഇയാളുടെ കാമുകി അനിത(22)യെ ഗുരുതര പരിക്കുകളോടെ ആശുപത്രിയില്‍ പ്രവേശിപ്പിച്ചു. അനിതയുമായി ഒളിച്ചോടുന്നതിനിടെ ബൈക്ക് മറിഞ്ഞാണ് രാഹുല്‍ മരിച്ചത്.

ആരക്കോണത്തെ സുഹൃത്തിന്റെ അടുത്തേക്ക് പോകുമ്പോഴായിരുന്നു അപകടം. നാമക്കലിലെ സെന്തമംഗലത്തിന് സമീപത്ത് വച്ച് റോഡരുകില്‍ തട്ടിയ ബൈക്ക് നിയന്ത്രണം വിട്ട് മറിയുകയായിരുന്നു. ബൈക്ക് മറിഞ്ഞ് വീണ ഇരുവരെയും ദൃക്‌സാക്ഷികള്‍ ആശുപത്രിയില്‍ എത്തിച്ചുവെങ്കിലും രാഹുല്‍ മരിച്ചിരുന്നു. അനിതയുടെ നില ഗുരുതരമാണ്.