കെട്ടിട സമുച്ചയങ്ങളിലും മഴവെള്ള സംഭരണി നിര്‍ബന്ധമാക്കും

തിരുവനന്തപുരം: സംസ്ഥാനത്തു പുതുതായി നിര്‍മ്മിക്കുന്ന എല്ലാ കെട്ടിട സമുച്ചയങ്ങളിലും മഴവെള്ള സംഭരണി നിര്‍മ്മിക്കണമെന്ന കര്‍ശന നിര്‍ദേശവുമായി മുഖ്യമന്ത്രി പിണറായി വിജയന്‍. കെട്ടിടങ്ങളുടെ നിശ്ചിത ശതമാനം മഴവെള്ളസംഭരണി നിര്‍മ്മാണത്തിനായി മാറ്റിവയ്ക്കണമെന്നും മുഖ്യമന്ത്രി അറിയിച്ചു. കേരളം രൂക്ഷമായ ജലക്ഷാമം നേരിടുകയാണെന്നും, പെയ്യുന്ന ഓരോ മഴയുടെ വെള്ളവും നാളേയ്ക്കായി സംഭരിക്കേണ്ടത് അനിവാര്യമാണെന്നും, അതിനാല്‍ പുതിയ നിര്‍മ്മാണ പ്രവര്‍ത്തനങ്ങള്‍ നടത്തുമ്‌ബോള്‍ മഴവെള്ള സംഭരണികള്‍ നിര്‍മ്മിക്കണമെന്നും പിണറായി വ്യക്തമാക്കി.