പെട്രോള്‍, ഡീസല്‍ വില ഉയര്‍ത്തുന്നത് പാവപ്പെട്ടവര്‍ക്ക് വീടും ശൗചാലയവും നിര്‍മ്മിക്കാന്‍ : അല്‍ഫോണ്‍സ് കണ്ണന്താനം !

പെട്രോള്‍ വില കേന്ദ്ര സര്‍ക്കാര്‍ ഉയര്‍ത്തുന്നത് മനപ്പൂര്‍വ്വമെന്ന് കേന്ദ്ര ടൂറിസം സഹമന്ത്രി അല്‍ഫോണ്‍സ് കണ്ണന്താനം. വിലവര്‍ദ്ധനവ് സര്‍ക്കാരിന്റെ മനപ്പൂര്‍വ്വമുള്ള തീരുമാനമാണെന്നും ഇതിലൂടെ കിട്ടുന്ന നികുതി ഉപയോഗിച്ച് രാജ്യത്തെ പാവപ്പെട്ടവര്‍ക്ക് വീടും ശൗചാലയവും നിര്‍മ്മിക്കുന്നതിനാണെന്നും അല്‍ഫോണ്‍സ് കണ്ണന്താനം പറഞ്ഞു. ബിജെപി സംസ്ഥാന കാര്യാലയം സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അല്‍ഫോണസ് കണ്ണന്താനം.

പെട്രോള്‍ വില വര്‍ദ്ധനവിനെതിരേ ഉണ്ടാകുന്ന പ്രതിഷേധങ്ങള്‍ സര്‍ക്കാരിന് അറിയാവുന്നതാണ്. വാഹനമുള്ളവരെല്ലാം സാധാരണഗതിയില്‍ പണക്കാരാണെന്നാണ് കണ്ണന്താനത്തിന്റെ വിലയിരുത്തല്‍.