യു എ ഇ മന്ത്രിസഭയില്‍ അഴിച്ചുപണി: ആര്‍ട്ടിഫിഷ്യല്‍ ഇന്റലിജന്‍സിനു പ്രത്യേക മന്ത്രി

അബുദാബി:ലോകത്ത് ആദ്യമായി ആര്‍ട്ടിഫിഷ്യല്‍ ഇന്റലിജന്‍സിന് പ്രത്യേക മന്ത്രിയെ നിയമിച്ച് യു എഇ മന്ത്രി സഭ ചരിത്രത്തിലേക്ക്.27 കാരനായ ഉമര്‍ ബിന്‍ സുല്‍ത്താനാണ് വകുപ്പിന്റെ ചുമതല.മന്ത്രിസഭയില്‍ സഹമന്ത്രിയായാണ് നിയമനം.കൂടാതെ രാജ്യത്ത് ശാസ്ത്ര മുന്നേറ്റം ലക്ഷ്യമിട്ട് അഡ്വാന്‍സ്ഡ് സയന്‍സ് മന്ത്രിയായി 30 കാരിയായ സാറാ അല്‍ അമീരിയെ നിയമിച്ചു.യുവാക്കള്‍ക്കും വനിതകള്‍ക്കുമാണ് ഈ അഴിച്ചുപണിയില്‍ പ്രാധാന്യം നല്‍കിയിരിക്കുന്നത്.

മന്ത്രിസഭയിലെ അഴിച്ചു പണി ട്വിറ്ററിലൂടെ യുഎഇ ഉപപ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മഖ്തൂമാണ് പുറത്തുവിട്ടത്. ഭക്ഷ്യ സുരക്ഷയ്ക്കായി പുതിയ വകുപ്പേര്‍പ്പെടുത്തി വനിതാ മന്ത്രിയ്ക്ക് ചുമതല നല്‍കി. മറിയം അല്‍ മുഹൈരിയ്ക്കാണ് വകുപ്പിന്റെ ചുമതല.സാമൂഹിക വകുപ്പിന്റെ ചുമതലയും വനിതയ്ക്കാണ്.ഹെസ്സ ബുഹുമൈദാണ് വകുപ്പിന്റെ ചുമതലയേല്‍ക്കുന്നത്.