അറ്റകുറ്റപ്പണികള്‍ക്കായി ദുബായിലെ അല്‍മഖ്തൂം പാലം താല്‍ക്കാലികമായി അടച്ചിടും

ദുബായ്:വാര്‍ഷിക അറ്റകുറ്റപ്പണികള്‍ക്കായി അല്‍മഖ്തൂം(ഫ്‌ലോട്ടിങ് പാലം) പാലം ഒക്‌ടോബര്‍ 27 മുതല്‍ നവംബര്‍ 24 വരെ രണ്ടാഴ്ച താല്‍ക്കാലികമായി അടച്ചിടുമെന്ന് ദുബായ് റോഡ് ട്രാന്‍സ്‌പോര്‍ട് അതോറിറ്റി അറിയിച്ചു.വെളുപ്പിന് 1 എഎം മുതല്‍ രാത്രി 9പിഎം വരെയാണ് പാലത്തിലൂടെയുള്ള ഗതാഗതത്തിന് നിയന്ത്രണം ഏര്‍പ്പെടുത്തിയിരിക്കുന്നത്. അറ്റകുറ്റപ്പണികള്‍ നടക്കുന്ന ഈ ദിവസങ്ങളിലെ ഞായറാഴ്ചകളിലും വ്യാഴാഴ്ചകളിലും വെളുപ്പിന് 1 എഎം മുതല്‍ വൈകീട്ട് 5 പിഎം വ െരജലഗതാഗത്തിനും നിയന്ത്രണം ഏര്‍പ്പെടുത്തിയിട്ടുണ്ട്.

കാലാനുസൃത പരിഷ്‌ക്കാരങ്ങള്‍ വരുത്തുന്നതിനും അറ്റകുറ്റപ്പണികള്‍നടത്തി പാലത്തിന് കൂടുതല്‍ സുരക്ഷ ഉറപ്പാക്കുന്നതിനുമാണ് ഗതാഗതം നിയന്ത്രിച്ചുള്ള പണികള്‍ പാലത്തില്‍ നടത്തുന്നതെന്ന് ആര്‍റ്റിഎ മെയിന്റ്‌നന്‍സ് വിഭാഗം തലവന്‍ നസീം ഫൈസല്‍ അറിയിച്ചു.

പാലം അറ്റകുറ്റപ്പണികള്‍ നടക്കുന്ന ദിവസങ്ങളില്‍ പാലത്തില്‍ കൂടി സഞ്ചരിക്കേണ്‍ വാഹനങ്ങള്‍ മറ്റു റോഡുകള്‍ വഴി തിരിച്ചു വിടും.സമാന്തര ഗതാഗത സംവിധാനങ്ങളായ അല്‍ ഷന്താഗാ ടണല്‍,അല്‍ ഗര്‍ഹൂദ് ബ്രിഡ്ജ്,ബിസിനസ് ബേ ക്രോസിംഗ്,കൂടാതെ ഷെയ്ഖ് മുഹമ്മദ് ബില്‍ സായിദ് റോഡ് എന്നിവടങ്ങളിലൂടെ യാത്ര ചെയ്യണം.