യുനസ്‌കോയുടെ സാംസ്‌കാരിക പൈതൃകത്തിനുള്ള പുരസ്‌കാരം ശ്രീരംഗം ക്ഷേത്രത്തിന്

യുനസ്‌കോയുടെ സാംസ്‌കാരിക പൈതൃകത്തിനുള്ള പുരസ്‌കാരം തമിഴ്‌നാട്ടിലെ തിരുച്ചറപ്പള്ളിയിലുള്ള ശ്രീരംഗം ശ്രീരംഗനാഥസ്വാമി ക്ഷേത്രത്തിന് . സാംസ്‌കാരിക പൈതൃകത്തിനുള്ള 2017ലെ യുനസ്‌കോയുടെ ഏഷ്യാ പസഫിക് അവാര്‍ഡാണ് ഈ ക്ഷേത്രത്തിന് ലഭിച്ചത്.

പഴമയ്ക്ക് കോട്ടം തട്ടാത്ത തരത്തില്‍ 20 കോടി മുതല്‍ മുടക്കില്‍ പുനരുദ്ധാരണവും സൗന്ദര്യവത്കരണവും നടത്തിയ ക്ഷേത്ര അധികാരികളെ പ്രശംസിക്കുകയും ചെയ്തു. ഏഴാം നൂറ്റാണ്ടില്‍ നിര്‍മ്മിക്കപ്പെട്ടു എന്ന് കരുതുന്ന ക്ഷേത്രം ഒരു കേടും കൂടാതെ സംരക്ഷിക്കുന്നത് പരിഗണിച്ചാണ് പുരസ്‌കാരം നല്‍കിയത്. 156 ഏക്കറിലായി ആറുലക്ഷം ചതുരശ്രമീറ്ററിലായി വ്യാപിച്ചു കിടക്കുന്ന ക്ഷേത്രം കാവേരി, കൊലേറൂണ്‍ നദികള്‍ക്കിടയിലുള്ള ദ്വീപിലാണ് നിര്‍മ്മിച്ചിരിക്കുന്നത്. ഏഷ്യ പസഫിക് റീജിയണില്‍ നിന്നുള്ള 10 രാജ്യങ്ങളില്‍ നിന്നായുള്ള പട്ടികയില്‍ നിന്നുമാണ് ഒന്‍പതംഗ ജൂറിയംഗങ്ങള്‍ ചേര്‍ന്ന് ക്ഷേത്രത്തെ തെരഞ്ഞെടുത്തത്.