ഓഖി ചുഴലിക്കാറ്റിനെ തുടര്‍ന്ന് കാണാതായ ബോട്ട് ഗോവന്‍ തീരത്ത്

ഓഖി ചുഴലിക്കാറ്റിനെ തുടര്‍ന്ന് കാണാതായ ബോട്ട് ഗോവന്‍ തീരത്ത് എത്തി. ഏഴ് മലയാളികള്‍ അടങ്ങുന്ന ബോട്ടാണ് ഗോവ തീരത്ത് എത്തിയത്. തമിഴ്‌നാട്ടിലെ പട്ടണത്ത് നിന്ന് പുറപ്പെടുന്ന ബോട്ടാണ് ഗോവ തീരത്ത് എത്തിയത്. ബോട്ടിലുള്ള മലയാളികള്‍ വിഴിഞ്ഞം സ്വദേശികളാണ്. അനീല്‍, ഡാനിഷ്, ഡേവിഡ്‌സണ്‍, വര്‍ഗീസ്, ബോസ്‌കോ, റോയി, അനീഷ് എന്നിവരാണ് ബോട്ടിലുള്ള മലയാളികള്‍. രണ്ട് തമിഴ്‌നാട്ടുകാരും ആറ് ഉത്തരേന്ത്യക്കാരും ബോട്ടിലുണ്ട്.

മഹാരാഷ്ട്രയില്‍ രണ്ട് ബോട്ടുകള്‍ എത്തിയിട്ടുണ്ട്. സിന്ധുദുര്‍ഗില്‍ 58 മലയാളികളും രത്‌നഗിരിയില്‍ 33 മലയാളികളും ഉള്‍പ്പെടുന്ന ബോട്ടുകള്‍ എത്തിച്ചേര്‍ന്നതായി മഹാരാഷ്ട്ര പോലീസ് അറിയിച്ചു. കണ്ണൂര്‍ അഴീക്കല്‍ തീരത്ത് രണ്ട് ബോട്ടുകളും എത്തി.