എന്റെ ഹിന്ദുത്വം ഗോഡ്‌സെയുടേതല്ല, വിവേകാനന്ദന്റേത് : യോഗി ആദിത്യനാഥിന് മറുപടിയുമായി കര്‍ണാടക മുഖ്യമന്ത്രി സിദ്ധരാമയ്യ

ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന് മറുപടിയുമായി കര്‍ണാടക മുഖ്യമന്ത്രി സിദ്ധരാമയ്യ. താന്‍ പിന്തുടരുന്ന ഹിന്ദുത്വം സ്വാമി വിവേകാനന്ദന്റെ പ്രമാണങ്ങള്‍ പാലിച്ചുള്ളതാണ്. ഗോഡ്‌സെയുടേതല്ലെന്ന് സിദ്ധരാമയ്യ ട്വീറ്റ് ചെയ്തു. ബീഫ് കഴിക്കുന്നവരെ എതിര്‍ക്കുന്നതിന് മുന്‍പ് പശുക്കളെ കശാപ്പ് ചെയ്യുന്നതിനെക്കുറിച്ച് സ്വാമി വിവേകാനന്ദന്‍ എന്താണ് പറഞ്ഞതെന്ന് ആദിത്യനാഥ് വായിക്കണമെന്നും സിദ്ധരാമയ്യ കൂട്ടിച്ചേര്‍ത്തു. ഹിന്ദുവായിട്ടും സിദ്ധരാമയ്യ ബീഫ് കഴിക്കുന്നവരെ പ്രോത്സാഹിപ്പിക്കുകയാണെന്നും യഥാര്‍ത്ഥ ഹിന്ദു അത് ചെയ്യില്ലെന്നും ആദിത്യനാഥ് ആരോപിച്ചിരുന്നു. ഇതിന് മറുപടി പറയുകയായിരുന്നു സിദ്ധരാമയ്യ.