ജയലളിത മരിച്ചത് ഡിസംബര്‍ 5 അല്ല ഒരു ദിവസം നേരത്തെ; വെളിപ്പെടുത്തലുമായി ശശികലയുടെ സഹോദരന്‍

തമിഴ്‌നാട് മുന്‍മുഖ്യമന്ത്രി ജയലളിതയുടെ മരണത്തിലെ ദുരൂഹത അവസാനിക്കുന്നില്ല. ഇപ്പോള്‍ ഒരു ദിവസം നേരത്തെ അവര്‍ മരിച്ചിരുന്നുവെന്നാണ് പുതിയ വെളിപ്പെടുത്തല്‍ . എന്നാല്‍, ഇതത്തവണ ഈ വാര്‍ത്ത പുറത്തുവിട്ടിരിക്കുന്നത് മറ്റാരുമല്ല ശശികലയുടെ സഹോദരന്‍ ദിവാകരനാണ് ഇത് വ്യക്തമാക്കിയിരിക്കുന്നത്.

2016 ഡിസംബര്‍ അഞ്ചിനല്ല മറിച്ച് നാലിന് വൈകിട്ട് 5.15ന് ജയലളിത മരിച്ചിരുന്നുവെന്നാണ് ദിവാകരന്റെ വെളിപ്പെടുത്തല്‍. താന്‍ ആ സമയത്തും അമ്മയെ കാണുവാന്‍ ആശുപത്രിയില്‍ എത്തിയിരുന്നു എന്നാല്‍ അപ്പോഴും ജയലളിതയെ വെന്റിലേറ്ററില്‍ തന്നെ സൂക്ഷിച്ചിരിക്കുകയായിരുന്നുവെന്നാണ് വെളിപ്പെടുത്തലുണ്ടായിരിക്കുന്നത്. എംജിആറിന്റെ ജന്മശതാബ്ദിക്ക് ഭാഗമായി സംസാരിക്കുകയായിരുന്നു അദ്ദേഹം.