ദേശീയ തലത്തില്‍ കേരളത്തിനെതിരെ വ്യാപകമായ കുപ്രചാരണം നടന്നുവെന്ന് ഗവര്‍ണര്‍ പി. സദാശിവം

ദേശീയ തലത്തില്‍ കേരളത്തിനെതിരെ വ്യാപകമായ കുപ്രചാരണം നടന്നുവെന്ന് ഗവര്‍ണര്‍ പി. സദാശിവം. ദേശീയതലത്തില്‍ മുന്നിട്ടു നില്‍ക്കുമ്പോള്‍ വര്‍ഗീയ ശക്തികളുടെ ഇത്തരം കുപ്രചാരണങ്ങള്‍ അപലപനീയമാണ്. എന്നാല്‍ ഇവയെല്ലാം മറികടക്കാന്‍ കേരളത്തിന് കഴിഞ്ഞുവെന്നുവെന്നും ഗവര്‍ണര്‍ നയപ്രഖ്യാപന പ്രസംഗത്തില്‍ ചൂണ്ടിക്കാട്ടി. പതിനാലാം നിയമസഭയുടെ ബജറ്റ് സമ്മേളനത്തിന്റെ ഭാഗമായ നയപ്രഖ്യാപന പ്രസംഗം പ്രതിപക്ഷ ബഹളത്തോടെയാണ് ആരംഭിച്ചത്. നയപ്രഖ്യാപനത്തിനായി ഗവര്‍ണര്‍ എത്തിയപ്പോള്‍ തന്നെ പ്രതിപക്ഷം പ്ലക്കാര്‍ഡുകളുമായി പ്രതിഷേധിച്ചു. വിലക്കയറ്റം, ഭരണസ്തംഭനം, ക്രമസമാധാന തകര്‍ച്ച തുടങ്ങിയ വിഷയങ്ങള്‍ ഉന്നയിച്ചായിരുന്നു പ്രതിഷേധം.

ഓഖി ദുരന്തത്തിൽപ്പെട്ടവരുടെ കുടുംബങ്ങൾക്ക് എല്ലാ സഹായവും നല്‍കുമെന്ന് നയപ്രഖ്യാപനത്തിൽ വ്യക്തമാക്കി. ഓഖി ചുഴലിക്കാറ്റിനെ തുടർന്ന് മുന്നറിയിപ്പു ലഭിച്ചയുടനെ പ്രതികരിച്ചു. എന്നാൽ കാലാവസ്ഥയിലെ അപ്രതീക്ഷിത മാറ്റം എല്ലാം തകിടം മറിച്ചുവെന്നും അദ്ദേഹം പറഞ്ഞു.

25ന് നയപ്രഖ്യാപനത്തിനുള്ള നന്ദിപ്രമേയത്തിന്മേൽ ചർച്ച നടക്കും. 26 മുതൽ 29 വരെ സഭ ചേരുകയില്ല. 30 മുതൽ വീണ്ടും ചർച്ച. ഫെബ്രുവരി രണ്ടിനു ബജറ്റ് അവതരിപ്പിക്കും. ഏഴിനു സഭാസമ്മേളനം സമാപിക്കും.