മധുവിന്‍റെ കൊലപാതകം: മുഴുവന്‍ പ്രതികളും പിടിയില്‍

ആദിവാസി യുവാവ് മധുവിനെ കൊലപ്പെടുത്തിയ കേസില്‍ മുഴുവന്‍ പ്രതികളും പിടിയിലായി. മൊത്തം 16 പ്രതികളെയാണ് പിടിച്ചിരിക്കുന്നത്. എല്ലാ പ്രതികള്‍ക്കെതിരെയും കൊലക്കുറ്റം ചുമത്തിയിട്ടുണ്ട്. പട്ടികവര്‍ഗ നിയമപ്രകാരവും കേസെടുത്തു. ഇപ്പോള്‍ പ്രതികള്‍ അഗളി പൊലീസ് സ്റ്റേഷനിലാണുള്ളത്.

അതേസമയം, മധുവിനെ വനത്തില്‍ നിന്ന് പിടിച്ചുകൊണ്ടുവരാന്‍ പൊലീസിനെ സഹായിച്ച വനം‌വകുപ്പ് ജീവനക്കാര്‍ക്കെതിരെയും നടപടിയെടുക്കുമെന്ന് പാലക്കാട് ജില്ലാ പൊലീസ് മേധാവി അറിയിച്ചിട്ടുണ്ട്. മധുവിന്‍റെ തലയ്ക്ക് പിന്നിലും വാരിയെല്ലിനുമേറ്റ ക്ഷതങ്ങളാണ് മരണകാരണമെന്നാണ് പോസ്റ്റുമോര്‍ട്ടം റിപ്പോര്‍ട്ടില്‍ നിന്ന് വ്യക്തമാകുന്നത്. തലയ്ക്കേറ്റ ക്ഷതങ്ങളാണ് ആന്തരിക രക്തസ്രാവത്തിന് കാരണമായത്.