പാളയത്തില്‍ നിന്ന് ആളുകൊഴിയുന്നു ഭയന്ന് കോണ്‍ഗ്രസ്

  കൊച്ചി : തിരഞ്ഞെടുപ്പിന് മണിക്കൂറുകള്‍ അവശേഷിക്കവേ കോണ്‍ഗ്രസ് പാളയത്തിലെ പ്രമുഖരെയും ഘടകക്ഷികളെയും നോട്ടമിട്ട് ബി ജെ പി കരുക്കള്‍ നീക്കുന്നത് കോണ്‍ഗ്രസിന് തലവേുനയാകുന്നു. കോണ്‍ഗ്രസ് ക്യാമ്പിലെ പ്രധാനികളെ അടര്‍ത്തിയെടുത്ത് സ്ഥാനാര്‍ത്ഥികളാക്കിയതിന് തൊട്ടു പിന്നാലെയാണ് ഈ നീക്കം. പ്രധാനമന്ത്രി മോദി പങ്കെടുത്ത പരിപാടി മുതലാണ് തുടക്കം , കൊല്ലത്തെ യു ഡി എഫ് സ്ഥാനാര്‍ത്ഥി എന്‍ കെ പ്രേമചന്ദ്രനെ സഹായിക്കാനുള്ള നീക്കവും മോദിയുടെ അറിവോടെയാണന്ന പ്രചരണം ബി ജെ പി ക്യാമ്പുകളില്‍ ശക്തമാണ്. ശബരിമല വിഷയം മോദി വീണ്ടും ഉയത്തിയതോടെ കേരളത്തില്‍ കോണ്‍ഗ്രസ് വീണ്ടും തിരഞ്ഞെടുപ്പ് കളയില്‍നിന്ന് പുറത്തായിരിക്കുകയാണ്. തിരുവനന്തപുരത്തെ എന്‍ഡിഎ സ്ഥാനാര്‍ഥി കുമ്മനം രാജശേഖരന് പിന്തുണയുമായി വിദേശകാര്യ വിദഗ്ധനും മുന്‍ അംബാസിഡറുമായ ടി പി ശ്രീനിവാസന്‍ എത്തിയത് ഇതിന്റെ ഭാഗമാണ്. നരേന്ദ്ര മോഡി പങ്കെടുത്ത റാലിയിലാണ് ബിജെപിക്ക് പിന്തുണയുമായി ടിപി ശ്രീനിവാസനും എത്തിയത്. യുഡിഎഫ് സര്‍ക്കാരിന്റെ കാലത്ത് കേരളത്തിലെ ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാനായിരുന്നു ടിപി ശ്രീനിവാസന്‍. എറണാകുളം യുഡിഎഫ് സ്ഥാനാര്‍ഥി ഹൈബി ഈഡന്റെ തെരെഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്തതും ടി പി ശ്രീനിവാസന്‍ ആയിരുന്നു. അതിനു പിന്നാലെയുള്ള ബിജെപി വേദിയിലെയും സാന്നിധ്യം കോണ്‍ഗ്രസ് നേതാക്കള്‍ക്കിടയില്‍ വലിയ ആശയക്കുഴപ്പത്തിനാണ് വഴിയൊരുക്കിയത്. ്. തിരുവനന്തപുരത്ത് ശശി തരുരിനെ സ്ഥാനാര്‍ഥിയായി പ്രഖ്യാപിച്ച 2009ല്‍ അദ്ദേഹത്തെ മണ്ഡലത്തില്‍ പരിചയപ്പെടുത്തുന്നതില്‍ വലിയ പങ്ക് വഹിച്ച വ്യക്തികൂടിയാണ് ശ്രീനിവാസന്‍. ഇതാദ്യമായാണ് ടിപി ശ്രീനിവാസന്‍ ബിജെപി വേദിയില്‍ എത്തുന്നത്. കുമ്മനം രാജശേഖരനുള്ള തന്റെ പിന്തുണ വേദിയില്‍ വെച്ച് അദ്ദേഹം പ്രഖ്യാപിച്ചു. ടിപി ശ്രീനിവാസന്‍ ബിജെപി വേദിയില്‍ എത്തിയത് സോഷ്യല്‍ മീഡിയയിലും വലിയ ചര്‍ച്ചയാണ്.