ഇടതുമുന്നണിക്ക് എം പി മാര്‍ കൂടുമോ

  കോട്ടയം ജില്ലാപഞ്ചായത്തിലെ അധികാരതര്‍ക്കം പിടിവിടുന്നതോടെ കേരളത്തിലെ എം പി മാരുടെ ബലാബലത്തില്‍ മാറ്റം വരുമോ എന്നതാണ് ഏവരും ഉറ്റു നോക്കുന്നത്. കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനത്തെ ചൊല്ലിയുള്ള കേരള കോണ്‍ഗ്രസ് ജോസ് ജോസഫ് വിഭാഗങ്ങള്‍ തമ്മിലുള്ള തര്‍ക്കം മുറുകുന്നു. പ്രസിഡന്റ് സ്ഥാനം രാജി വയ്ക്കേണ്ടതില്ലെന്ന പരസ്യനിലപാട് സ്വീകരിച്ച ജോസ് വിഭാഗത്തോട് യുഡിഎഫ് നേതൃത്വം നിലപാട് കടുപ്പിച്ചു. ജോസ് കെ. മാണി വിഭാഗം ജില്ലാ പഞ്ചായത്ത് പ്രസിഡന്റ് സ്ഥാനം രാജി വെക്കണമെന്ന് യു.ഡി.എഫ് കണ്‍വീനര്‍ ബെന്നി ബെഹന്നാന്‍ ആവശ്യപ്പെട്ടു. പ്രസിഡന്റ് സ്ഥാനം രാജി വെച്ച ശേഷം മാത്രമേ ഉപാധികളില്‍ ചര്‍ച്ചയുള്ളുവെന്നും ബെന്നി ബെഹന്നാന്‍ പറഞ്ഞു. നിലവില്‍ തന്റെ നോമിനി രാജിവയ്ക്കില്ലന്ന നിലപാടിലാണ് ജോസ് കെ മാണി. മുന്നണി വിടാനും തയാറാണന്ന സൂചന അദേത്തം നല്‍കി കഴിഞ്ഞു. ഇടതുമുന്നണിയിലേക്ക് പ്രവേശനത്തിന് ശ്രമിക്കുകയാണന്ന സൂചനകള്‍ പുറത്തുവന്നു കഴിഞ്ഞു. സി പി ഐ യുടെ എതിര്‍പ്പാണ് ഇതിന് നടസം അത് മാറ്റിക്കിട്ടാന്‍ ജോസ് കെ മാണി തന്നെ നീക്കം തുടങ്ങിയിട്ടുണ്ട്. അങ്ങനെയെങ്കില്‍ കോട്ടയം എം പി സ്ഥാനവും, രാജ്യസഭാ എംപി സ്ഥാനവും യു ഡി എഫിന് കുറയും.