ചാര്‍ട്ടേഡ് വിമാനത്തില്‍ വീണ്ടും സ്വര്‍ണ്ണക്കടത്ത്

  ചാര്‍ട്ടേഡ് വിമാനത്തില്‍ നിന്ന് മൂന്നാംതവണയും സ്വര്‍ണ്ണക്കടത്ത് പിടികൂടി. ചൊവ്വാഴ്ച കണ്ണൂര്‍ വിമാനത്താവളത്തിലെത്തിയ ചാര്‍ട്ടേഡ് വിമാനത്തിലാണ് സ്വര്‍ണ്ണം കടത്തിയത്. ഒരുകിലോ അനധികൃത സ്വര്‍ണ്ണവുമായി കാസര്‍കോട് സ്വദേശി അബ്ദുല്ലയാണ് കസ്റ്റംസിന്റെ പിടിയിലായത്. റാസല്‍ഖൈമയില്‍ നിന്ന് സ്പൈസ് ജെറ്റ് വിമാനത്തിലാണ് അബ്ദുല്ല സ്വര്‍ണ്ണവുമായി വന്നത്. പോസ്റ്റ് രൂപത്തിലുള്ള സ്വര്‍ണ്ണം അടിവസ്ത്രത്തില്‍ ഒളിപ്പിച്ച നിലയിലായിരുന്നു. പ്രവാസികളെ നാട്ടിലെത്തിക്കുന്നതിനുള്ള ചാര്‍ട്ടേഡ് വിമാനസര്‍വീസ് ആരംഭിച്ച ശേഷം ഇത് മൂന്നാമത്തെ തവണയാണ് കണ്ണൂരില്‍ സ്വര്‍ണ്ണം പിടികൂടുന്നത്. കസ്റ്റംസ് അസി. കമ്മീഷണര്‍ ഇ. വികാസിന്റെ നേതൃത്വത്വത്തിലാണ് സ്വര്‍ണ്ണക്കടത്ത് പിടികൂടിയത്.