ജോസഫ് ഉറച്ചു തന്നെ അവിശ്വാസവുമായി മുന്നോട്ട്

  യു ഡി എഫിനുള്ളിലെ പോരിന് മൂര്‍ച്ചകൂട്ടി ചെന്നിത്തലയുടെ പിന്‍തുണയോടെ അവിശ്വാസവുമായി പി ജെ ജോസഫ് മുന്നോട്ട്. ജോസ് കെ മാണി പക്ഷെത്തെ പുറത്താക്കാന്‍ എടുത്ത തീരുമാനം മുസ്‌ളീം ലീഗിന്റെ പിന്‍തുണയോടെ വീണ്ടും ചര്‍ച്ച എന്ന അജണ്ടയിലേക്ക് തിരിച്ചു കൊണ്ടുപോയതും. അതു സംബന്ധിച്ച തീരുമാനം തന്നെകൊണ്ടുതന്നെ വാര്‍ത്താ സമ്മേളനം നടത്തി പ്രഖ്യപിച്ചതും ചെന്നിത്തലയും ഐ ഗ്രൂപ്പും അപമാനമായിട്ടാണ് കാരണുന്നത്. മുല്ലപ്പള്ളി രാമചന്ദ്രനോ, ബെന്നിബഹനാനോ ആണ് സാധാരണ യു ഡി എഫ് തീരുമാനം പ്രഖ്യാപിക്കുക. എന്നാല്‍ അതുവേണ്ട ചെന്നിത്തല പറയണം എന്ന് ലീഗും ഉമ്മന്‍ചാണ്ടിയും വാശിപിടിക്കുകയായിരുന്നു. നിങ്ങളെ പുറത്താക്കിയത് ചെന്നിത്തലയുടെ കളിയാണന്നും അത് അദ്ദേഹത്തത്തെകൊണ്ടുതന്നെ തിരുത്തി പറയിച്ചെന്നും ഉമ്മന്‍ചാണ്ടി ജോസ് വിഭാഗത്തെ അറിയിക്കുകയും ചെയ്തു. വിപ്പ് സംബന്ധിച്ച് തെരഞ്ഞെടുപ്പ് കമ്മീഷന്റെ തീരുമാനം ഈ മാസം ഏഴിനു വരും. ഇതിനുശേഷം കോട്ടയം ജില്ലാ പഞ്ചായത്തില്‍ അവിശ്വാസം കൊണ്ടുവരാനാണ് ജോസഫിന്റെ തീരുമാനം. ഇതുവരെ ജോസ് കെ മാണി ചര്‍ച്ചയ്ക്ക് തയാറാകാത്തതിനാല്‍ എ ഗ്രൂപ്പിന് അതിന് പിന്‍തുണയ്ക്കാതിരിക്കാന്‍ ആവില്ല. കോട്ടയം ജില്ലയിലെ കോണ്‍ഗ്രസ് നേതാക്കള്‍ ഇപ്പോള്‍ ജോസഫ് പക്ഷത്താണ്. കടുത്ത വിമര്‍ശനമാണ് ഇപ്പോള്‍ ജോസഫ് ഇപ്പോഴും ജോസ് വിഭാഗത്തിനെതിരെ തുടരുന്നത്. രാഷ്ട്രീയത്തിലെ കളകള്‍ പറിച്ചു നീക്കുന്ന കാലമാണിതെന്നും തിന്മയുടെമേല്‍ നന്മ നേടിയ വിജയമാണിതെന്നും പി.ജെ. ജോസഫ്. ജോസ് വിഭാഗത്തെ യുഡിഎഫില്‍ നിന്നു പുറത്താക്കിയതുമായി ബന്ധപ്പെട്ടായിരുന്നു ജോസഫിന്റെ ഒടുവിലെ പ്രതികരണം.