അന്വേഷണം ആവശ്യപ്പെട്ട് മുഖ്യമന്ത്രി പ്രധാനമന്ത്രി അനുമതി നല്‍കിയേക്കും

  തിരുവനന്തപുരം വിമാനതാവളം കേന്ദ്രീകരിച്ച് നടത്തുന്ന രാജ്യാന്തരകള്ളക്കടത്ത് സംഘത്തെക്കുറിച്ച് വിശദമായ അന്വേഷണം സംസ്ഥാന സര്‍ക്കാര്‍ തന്നെ ആവശ്യപ്പെട്ട സാഹചര്യത്തില്‍ കേന്ദ്രസര്‍ക്കാര്‍ അതിന് ഒരുങ്ങുന്നു. ഇന്നലെ പത്രസമ്മേളനത്തില്‍ ചോദ്യത്തിന് ഉത്തരമായി അന്വേഷണത്തെ സ്വാഗതം ചെയ്തിന് പുറമെ സര്‍ക്കാര്‍ തലത്തിലും കൂടുതല്‍ അന്വേഷണം വേണമെന്ന ആവശ്യം മുഖ്യമന്ത്രിയുടെ ഓഫീസില്‍ നിന്ന് നല്‍കിയതായിട്ടണ് സൂചന. കള്ളക്കടത്തും സാമ്പത്തിക ഇടപാടുകളും സംബന്ധിച്ച അന്വേഷണം തുടരുകയാണ്. ഇതിനൊപ്പം, രാജ്യസുരക്ഷയും രാജ്യാന്തര സ്വഭാവവും പരിഗണിച്ച് സിബിഐ, എന്‍ഐഎ അന്വേഷണങ്ങള്‍ കൂടിയാണ് വരിക. ആവശ്യമെങ്കില്‍ ഇന്റലിജന്‍സ് ബ്യൂറോ (ഐബി), റിസര്‍ച് ആന്‍ഡ് അനാലിസിസ് വിങ് (റോ) എന്നിവയുടെ സഹായം തേടും. സാമ്പത്തിക വശം സംബന്ധിച്ച അന്വേഷണത്തില്‍ കസ്റ്റംസിനൊപ്പം നിലവില്‍ എന്‍ഫോഴ്‌സ്‌മെന്റ് ഡയറക്ടറേറ്റും (ഇഡി) റവന്യു ഇന്റലിജന്‍സും (ഡിആര്‍ഐ) പരിശോധിക്കുന്നുണ്ട്. കുറ്റകൃത്യത്തില്‍ ഉന്നത ഉദ്യോഗസ്ഥര്‍ക്കുള്ള പങ്ക് സംബന്ധിച്ച് സിബിഐയും തെളിവു ശേഖരണം തുടങ്ങി.