കോവിഡ് പരിശോധന മൂന്നു മണിക്കൂറിനുള്ളിൽ അറിയാം

യുഎഇയിൽ ഏറ്റവും കുറഞ്ഞ ചെലവിൽ കോവിഡ് ആന്റിബോഡി പരിശോധന നടത്താനുള്ള സൗകര്യം തുമ്പൈ ലാബ്സിൽ ഒരുക്കിയതായി അധികൃതർ അറിയിച്ചു. ദുബായ് ഹെൽത്ത് അതോറിറ്റി അംഗീകാരമുള്ള ടെസ്റ്റിന് 200 ദിർഹം മാത്രമാണ് ഈടാക്കുക. മൂന്നു മണിക്കൂറിനുള്ളിൽ ഫലവും അറിയാം. പ്ലാസ്മ, സെറം സാമ്പിളുകൾ ഉപയോഗിച്ചുള്ള ഇലക്ട്രോ ചെമിലൂമിനെൻസ് ഇമ്മ്യൂണോഅസെ (ഇസിഎൽഐഎ) എന്ന സംവിധാനം ഉപയോഗിച്ചാണ് പരിശോധന. അൽ ഖിസൈസ് മെട്രോ സ്റ്റേഡിയം സ്റ്റേഷൻ പരിസരത്തുള്ള തുമ്പൈ ഹോസ്പിറ്റലിലാണ് ഇതിന് സൗകര്യം. ലക്ഷണമില്ലാത്തവരിൽ പോലും കോവിഡ് സാന്നിധ്യം കണ്ടെത്തുന്നതിനാൽ പരിശോധന ഏറെ ആവശ്യമാണെന്നും ലോകാരോഗ്യ സംഘടനയും ഇക്കാര്യം ശരിവയ്ക്കുന്നെന്നും തുമ്പൈ ലാബ് ഡയറക്ടർ ഡോ. നാസിൽ പർവെയ്സ് വ്യക്തമാക്കി. പ്രതിദിനം നാലായിരം പേർക്ക് ടെസ്റ്റ് നടത്താൻ സൗകര്യമുണ്ട്. ഈ പരിശോധന നടത്തുന്നതു മൂലം ഭാവിയിൽ വാക്സിൻ കണ്ടുപിടിക്കുമ്പോൾ ആ കുത്തിവയ്പ്പു സ്വീകരിക്കണോ എന്നും കണ്ടുപിടിക്കാൻ കഴിയുമെന്നും ഡോ. നാസിർ വ്യക്തമാക്കി. രാവിലെ 9 മുതൽ 6 വരെയാണ് സമയം. 0460305555 എന്ന നമ്പരിലോ 0566806455 എന്ന വാട്സാപ്പ് നമ്പരിലോ ബുക്ക് ചെയ്യാം. എമിറേറ്റ്സ് ഐഡിയോ പാസ്പോർട്ടോ കരുതണം.