അനുമതി പത്രം ഇല്ലാതെ മക്കയിലേക്ക് പ്രവേശനമില്ല

ഹജ് അനുമതി പത്രം (തസ്‌രീഹ്) ഇല്ലാതെ എത്തുന്നവർക്ക് ഇന്നു മുതൽ മക്കയിലേക്ക് പ്രവേശനമില്ല. മിന, മുസ്ദലിഫ, അറഫ എന്നീ പുണ്യസ്ഥലങ്ങളിലേക്കും പ്രവേശന വിലക്കുണ്ട്. സ്വദേശികൾക്കും വിദേശികൾക്കും ബാധകമായ പ്രവേശന നിരോധനം ഹജ് കർമം തീരുന്നതുവരെ തുടരും. അനുമതി പത്രമില്ലാതെ പ്രവേശിക്കുന്നവർക്ക് 10,000 റിയാൽ പിഴ ഈടാക്കുമെന്ന് സൗദി ആഭ്യന്തര മന്ത്രാലയം നേരത്തേ മുന്നറിയിപ്പു നൽകിയിരുന്നു. കുറ്റം ആവർത്തിച്ചാൽ ഇരട്ടി പിഴ. 20നും 50നും ഇടയിൽ പ്രായമുള്ള വിവിധ രാജ്യക്കാരായ 10,000 പേർക്കാണ് ഇത്തവണത്തെ ഹജ് നിർവഹിക്കാൻ അവസരം. ഇതിൽ 70 ശതമാനം വിദേശികളായിരിക്കും.