രാജ്യ സഭാ സീറ്റ് തീരുമാനം വെള്ളിയാഴ് ച്ച

എം.പി.വീരേന്ദ്രകുമാറിന്റെ വേര്‍പാടോടെ ഒഴിവുവന്ന രാജ്യസഭാ സീറ്റ് സിപിഎം സംസ്ഥാന സെക്രട്ടറിയേറ്റ് യോഗം തീരുമാനിക്കും. ഇതിന് മുന്നോടിയായി എല്ലാ ഘടകകക്ഷി നേതാക്കളോടും ആശയവിനിമയം നടത്തുമെന്നാണ് സൂചന. കഴിഞ്ഞയാഴ്ച റദ്ദാക്കിയ ഇടതുമുന്നണി യോഗവും അടുത്താഴ്ച ചേരും. എല്‍.ജെ.ഡിയില്‍ നിന്ന് സി.പി.എം തിരികെയെടുക്കുന്നതിന് പല കക്ഷികളും അനുകൂല നിലപാട് എടുത്തിട്ടുണ്ട്.പക്ഷെ പാര്‍ട്ടി തീരുമാനം വന്നിട്ടില്ല. സീറ്റ് ലോക്താന്ത്രിക് ജനതാദളില്‍ തര്‍ക്കത്തിനിടയാക്കിയിട്ടുണ്ട്. അത് മുന്നണിക്ക് ദോഷമാകരുതെന്നാണ് ഇവരുടെ നിലപാട്. സിപിഐ ഉള്‍പ്പെടെയുള്ളവരുടെ നിലപാട് ഇതു തന്നെയാണ്. വീരേന്ദ്രുമാറിന്റെ നിര്യാണത്തോടെ ഒഴിവു വന്ന രാജ്യസഭാ സീറ്റിലേക്ക് ഈ മാസം 24നാണ് തിരഞ്ഞെടുപ്പ്. എല്‍ ഡി എഫിന് വിജയം ഉറപ്പായ രാജ്യസഭാ സീറ്റ് എല്‍ ജെ ഡിക്ക് തന്നെ നല്‍കണമോ സിപിഎം മല്‍സരിക്കണമോ എന്ന കാര്യത്തില്‍ ഇടതു മുന്നണി ഉറപ്പിച്ചിട്ടില്ല. സീറ്റ് എല്‍ ജെ ഡിക്ക് തന്നെ നല്‍കണമെന്ന് ആവശ്യപ്പെട്ട് സംസ്ഥാന പ്രസിഡന്‍് എം.വി ശ്രേയാസ് കുമാര്‍ മുഖ്യമന്ത്രി പിണറായി വിജയനെയും സിപി.എം സംസ്ഥാന സെക്രട്ടറി കോടിയേരി ബാലകൃഷ്ണനെയും കണ്ടെങ്കിലും ഉറപ്പ് നല്‍കിയിട്ടില്ലന്നാണ് ഒടുവില്‍ പുറത്തുവന്ന റിപ്പോര്‍ട്ട്. യു.ഡി.എഫില്‍ നിന്ന് ലഭിച്ച രാജ്യസഭ സീറ്റ് രാജിവെച്ചാണ് വീരേന്ദ്രുമാര്‍ എല്‍ ഡി എഫിലേക്ക് വന്നത്. അന്ന് ഒഴിവ് വന്ന രാജ്യസഭ സീറ്റ് വീരേന്ദ്രകുമാറിന് നല്‍കിയത് വ്യക്തിപരമായിരുന്നു ഈ തീരുമാനം. എല്‍ ജെ ഡിക്ക് ഈ സീറ്റ് വീണ്ടും നല്‍കിയാല്‍ പിന്നീട് അത് സ്ഥിരം അവകാശവാദമായി മാറുമോ എന്നതാണ് സി പി ഐയുടെ പ്രശ്‌നം. വീരേന്ദ്രുമാറിന് എല്‍ ഡി എഫിലേക്ക് വന്നപ്പോള്‍ കൊണ്ടുവന്ന സീറ്റിന്റെ കാലാവധി 2022 വരെയുള്ളതിനാല്‍ അത് തുടര്‍ന്നേക്കും നിലവിലെ രാഷ്ട്രീയ സാഹചര്യത്തില്‍ പുതിയ ഒരാളെ ഒരു പക്ഷെ ദേശീയ രാഷ്ട്രീയത്തില്‍ പത്തിക്കാന്‍ സി പി എമ്മിന് സാധിക്കും. സീറ്റ് ലഭിച്ചാല്‍ എം.വി.ശ്രയാംസ് കുമാറിനെ സ്ഥാനാര്‍ഥിയാക്കാന്‍ എല്‍ ജെ ഡി ഇതിനോടകം തീരുമാനമെടുത്തിട്ടുമുണ്ട്.