രണ്ടാംവരവ് പറയുക ബുദ്ധിമുട്ടാണെന്ന് െഎസിഎംആര്‍

കോവിഡിന്‍റെ രണ്ടാംവരവ് ഇന്ത്യയിലുണ്ടാകുമോയെന്ന് പറയുക ബുദ്ധിമുട്ടാണെന്ന് െഎസിഎംആര്‍ മേധാവി ഡോക്ടര്‍ ബല്‍റാം ഭാര്‍ഗവ. കോവിഡ് വ്യാപനത്തിന് രാജ്യത്ത് പൊതുസ്വഭാവമില്ല. വ്യത്യസ്ത രീതിയിലാണ് രോഗം പടരുന്നത്. ചില സംസ്ഥാനങ്ങളില്‍ രോഗം വന്‍ തോതില്‍ റിപ്പോര്‍ട്ട് ചെയ്തിട്ടുണ്ട്. പരിശോധനകളുടെ എണ്ണം വര്‍ധിപ്പിക്കേണ്ടതുണ്ടെന്നും എല്ലാ സ്വകാര്യ, സര്‍ക്കാര്‍ മെഡിക്കല്‍ കോളേജുകളിലും പരിശോധന നടത്താന്‍ സൗകര്യങ്ങളുണ്ടാകണമെന്നും ബല്‍റാം ഭാര്‍ഗവ വ്യക്തമാക്കി. രാജ്യത്തെ കോവിഡ് രോഗികളുടെ എണ്ണം പതിനെട്ട് ലക്ഷം പിന്നിട്ടു. തുടര്‍ച്ചയായി അഞ്ചാം ദിവസവും അരലക്ഷത്തിലധികം പേരാണ് രോഗികളായത്. 24 മണിക്കൂറിനിടെ 52,972 കേസുകള്‍ റിപ്പോര്‍ട്ട് ചെയ്തു. 771 പേര്‍ മരിച്ചു. 18,03,695 പേര്‍ക്കാണ് ഇതുവരെ കോവിഡ് സ്ഥിരീകരിച്ചത്. മരണസംഖ്യ 38,135 ആയി. മരണനിരക്ക് 2.13 ശതമാനം. 5,79,357 രോഗികള്‍ ചികില്‍സയിലുണ്ട്. 11,86,203 പേര്‍ക്ക് രോഗം ഭേദമായി. രോഗമുക്തി നിരക്ക് 64.53 ശതമാനത്തില്‍ നിന്ന് 65.44 ശതമാനമായി ഉയര്‍ന്നു. രാജ്യത്ത് ഇതുവരെ പരിശോധിച്ച സാംപിളുകളുടെ എണ്ണം രണ്ടുകോടിയിലധികമാണ്. 2,02,02,858 സാംപിളാണ് ഇതുവരെ പരിശോധിച്ചത്. ഇന്നലെ 3,81,027 സാംപിള്‍ പരിശോധിച്ചു.