സ്വപ്‌നയ്ക്ക് പിന്നിലെ വമ്പനെ തേടി എന്‍ ഐ എ

സ്വര്‍ണ്ണക്കടത്തിന് പിന്നില്‍ രാജ്യാന്തര ബന്ധമുള്ള വലിയൊരു ശൃംഖല പ്രവര്‍ത്തിക്കുന്നുണ്ടന്ന് കസ്റ്റംസ് ഹൈക്കോടതിയില്‍ അറിയിച്ചു. സ്വര്‍ണ കടത്ത് അന്വേഷണത്തില്‍ ദുബൈ , ആഫ്രിക്കന്‍ ബന്ധമുള്ള കണ്ണികള്‍ പ്രവര്‍ത്തിക്കുന്നുണ്ടെന്ന് നേരത്തെ ഹെഡ് ലൈന്‍ കേരള റിപ്പോര്‍ട്ട് ചെയ്തിരുന്നു. എന്‍ ഐ എ സംഘം വിദേശത്തേക്ക് പോയിരിക്കുന്നത് തന്നെ ഇത് സംബന്ധിച്ച കൂടുതല്‍ വിവരങ്ങള്‍ ലഭിക്കുന്നതിനുവേണ്ടിയാണ്. ദുബായ് ആഫ്രിക്കന്‍ ലിങ്കുകളാണ് ഇതില്‍ പ്രവര്‍ത്തിക്കുന്നതെന്നാണ് നേരത്തെ പുറത്തുവന്നിരുന്ന സൂചന. ഏഷ്യയില്‍ ഭീകരണ പ്രവര്‍ത്തനത്തിന് പണം നല്‍കുന്ന ആഫ്രിക്കന്‍ ബ്െളഡ് ഡയമണ്ട്മാഫിയയുടെ പങ്കുകൂടി ഇതില്‍ പരിശോധിക്കപ്പൊേക്കും. ഈ ശൃംഖലയിലുള്ളവരെ കണ്ടെത്താനും പിടികൂടാനുമുള്ള ശ്രമത്തിലാണെന്നും ദുബൈയില്‍ ഉള്ള രണ്ട് പേരെ കൂടി അറസ്റ്റ് ചെയ്തു ചോദ്യം ചെയ്യാനുണ്ടെന്നും കസ്റ്റംസ് കോടതിയെ അറിയിച്ചു. സ്വര്‍ണക്കടത്തില്‍ അറസ്റ്റിലായ ഒമ്പതാം പ്രതി മഞ്ചേരി സ്വദേശി സ്വദേശി  മുഹമ്മദ് അന്‍വര്‍, പതിമൂന്നാം പ്രതി കോഴിക്കോട് സ്വദേശി മുഹമ്മദ് അബ്ദുള്‍ ഷമീം, പതിനാലാം പ്രതി കോഴിക്കോട് സ്വദേശി ജിഫ്‌സല്‍ എന്നിവരുടെ ജാമ്യാപേക്ഷയെ എതിര്‍ത്താണ് കസ്റ്റംസ് ഇക്കാര്യങ്ങള്‍ കോടതിയെ അറിയിച്ചത്. കള്ളക്കടത്ത് റാക്കറ്റില്‍ഒരു സംഘം ആളുകള്‍ ഉണ്ട്.ഇവര്‍ പണം ഇറക്കി ഗള്‍ഫിലെത്തിച്ച് അവിടെ നിന്ന് സ്വര്‍ണം എത്തിക്കുകയാണന്നും കസ്റ്റംസ് വ്യക്തമാക്കിയിട്ടുണ്ട്.