വന്ദേഭാരത്‌ വിമാനത്തില്‍ വിദേശകറന്‍സി കടത്ത്

വന്ദേഭാരത് വിമാനങ്ങളില്‍ കേരളത്തില്‍ നിന്നു ദുബായിലേക്ക് 10 കോടി രൂപ വിലമതിക്കുന്ന വിദേശകറന്‍സികളും കടത്തിയതായി മൊഴി. ദേശീയ അന്വേഷണ ഏജന്‍സി യുഎഇ പൊലീസിന്റെ സഹായത്തോടെ ചോദ്യം ചെയ്ത ചിലരില്‍ നിന്നാണ് ഈ വിവരം ലഭിച്ചത്. സംഭവത്തില്‍ എന്‍ഫോഴ്‌സമെന്റ് ഡയറക്ടറേറ്റും (ഇഡി) അന്വേഷണം തുടങ്ങി. കേന്ദ്രസര്‍ക്കാരിലെ ചില ഉന്നതന്‍മാരിലേക്ക് പരിശോധനകള്‍ നീണ്ടേക്കും, വിമാനതാവളങ്ങളില്‍ നിന്ന് നല്ല പിന്‍തുണ നല്‍കുന്ന ഒരു മാഫിയ രാഷ്ട്രീയ പിന്‍ബലത്തോടെ പ്രവര്‍ത്തിക്കുന്നുണ്ടെന്നാണ് പ്രാഥമിക നിഗമനം. പ്രവാസി മലയാളികളെ തിരികെ കൊണ്ടുവരാന്‍ ജൂണ്‍ പകുതിയോടെ പറന്ന വിമാനങ്ങളില്‍ കയറിപ്പറ്റി ദുബായില്‍ ഇറങ്ങിയ 5 വിദേശികളെയും അവര്‍ കൊണ്ടുപോയ 8 ബാഗേജുകളും കണ്ടെത്താന്‍ ശ്രമം തുടങ്ങി. ഇവരുടെ ബാഗേജുകള്‍ പരിശോധിച്ചു കയറ്റിവിട്ട കസ്റ്റംസ് ഉദ്യോഗസ്ഥരെയും ചോദ്യം ചെയ്യും. ഈ യാത്രക്കാര്‍ക്കുള്ള വിമാനടിക്കറ്റുകളെടുത്തു നല്‍കിയതു തിരുവനന്തപുരത്തെ യുഎഇ കോണ്‍സുലേറ്റില്‍ നിന്നാണെന്ന മൊഴികളും അന്വേഷണ സംഘം പരിശോധിക്കുന്നുണ്ട്. വന്ദേഭാരത് വിമാനങ്ങളില്‍ തിരുവനന്തപുരം, കൊച്ചി, ഹൈദരാബാദ്, ചെന്നൈ എന്നിവിടങ്ങളില്‍ നിന്നു വിദേശികളെ ദുബായിലേക്കു കയറ്റിവിടാന്‍ സ്വര്‍ണകടത്ത് കേസിലെ ചിലര്‍ നേരിട്ട് ഇടപെട്ടതിന്റെ രേഖകളും തെളിവും അന്വേഷണ സംഘത്തിനു ലഭിച്ചിട്ടുണ്ട്. . സ്വര്‍ണകടത്ത് കേസിലെ പ്രതികള്‍ വന്‍തോതില്‍ വിദേശ കറന്‍സി ശേഖരിച്ചതായി അന്വേഷണ സംഘങ്ങള്‍ക്കു വിവരം ലഭിച്ചെങ്കിലും അവരുടെ ലോക്കറുകള്‍ പരിശോധിച്ചപ്പോള്‍ 8034 യുഎസ് ഡോളറും 711 ഒമാന്‍ റിയാലും മാത്രമാണ് കണ്ടെത്താന്‍ കഴിഞ്ഞത്. 3 അന്വേഷണ ഏജന്‍സികള്‍ 34 ദിവസം സ്വപ്നയെ ചോദ്യം ചെയ്തിട്ടും വിദേശ കറന്‍സികള്‍ ഒളിപ്പിച്ച സ്ഥലം കണ്ടെത്താന്‍ കഴിഞ്ഞിരുന്നില്ല. അതിനാല്‍ ഇവരെ കൂടാതെ ചില വന്‍ തോക്കുകള്‍ നതിനു പിന്നില്‍ ഉണ്ടെന്ന നിഗമനത്തിലാണ് സംഘം. പണം വിദേശത്തേക്ക് കടത്തണമെങ്കില്‍ അവിടുത്തെ വിമാന താവളങ്ങളിലും ബന്ധമുള്ള സംഘത്തിനേ സാധ്യമാവൂ, മുന്‍പ് ഇതേ രീതിയില്‍ നിസ്ലാധിച്ച നോട്ടുകള്‍ ശേഖരിച്ച് വിദേശ കറന്‍സിയാക്കി മാറ്റിയ സംഭവം റിപ്പോര്‍ട്ട് ചെയ്തിരുന്നു. മലപ്പുറത്ത് വേരുള്ള വന്‍ സംത്ഭായിരുന്നു ഇതിനു പിന്നില്‍ പെരുമ്പാവൂരിലെ ചില ലിങ്കുകളും കണ്ടെത്തിരുന്നെങ്കിലും പിന്നീട് കാര്യമായ അന്വേഷണം ഉണ്ടായില്ല.