ഗുണ്ടാസംഘത്തിന് പിന്നില്‍ അടൂര്‍പ്രകാശ്

വെഞ്ഞാറുമൂട്ടില്‍ രണ്ടു പേരുടെ ജീവനെടുത്ത കോണ്‍ഗ്രസ് ക്രിമനലുകള്‍ക്ക് വേണ്ട സൗക്യം ഒരുക്കുന്നത് അടൂര്‍ പ്രകാശ് എം പി ആണന്ന ആരോപണം. സംസ്ഥാന നേതാക്കള്‍ക്ക് മനസറിവ് ഉണ്ടന്ന് കൊടിയേരി ബാലകൃഷ്ണന്‍ പറഞ്ഞതിനു പിന്നാലെയാണ് സി പി എം ജില്ലാ നേതൃത്വം കുറച്ചുകൂടി കൃത്യമായ ആരോപണം ഉന്നയിച്ചിരിക്കുന്നത്. വെഞ്ഞാറമൂട്ടില്‍ രണ്ട് ഡിവൈഎഫ്‌ഐ പ്രവര്‍ത്തകരെ വെട്ടിക്കൊലപ്പെടുത്തിയ സംഭവത്തില്‍ കോണ്‍ഗ്രസ് നേതാവായ അടൂര്‍ പ്രകാശിന് പങ്കെന്ന് സിപിഎം ജില്ലാ സെക്രട്ടറി ആനാവൂര്‍ നാഗപ്പന്‍ ഹെഡ് ലൈന്‍ കേരളയോടു പറഞ്ഞു. മൂന്നു മാസം മുമ്പ് സിപിഎം പ്രവര്‍ത്തകനായ ഫൈസലിനെ വധിക്കാനുള്ള ശ്രമം നടന്നു. അന്ന് ആ കേസിലെ പ്രതികളെ രക്ഷിക്കാന്‍ സ്റ്റേഷനിലെത്തിയത് അടൂര്‍ പ്രകാശായിരുന്നു. ആ കേസിലെ പ്രതികളാണ് ഈ കൊലപാതകങ്ങള്‍ ചെയ്തിരിക്കുന്നത്. ഗൂഢാലോചനയില്‍ അടൂര്‍ പ്രകാശനും പങ്കുണ്ടെന്നും ആനാവൂര്‍ നാഗപ്പന്‍ ആരോപിച്ചു. ഡിവൈഎഫ്ഐ പ്രവർത്തകരെ വെട്ടിക്കൊന്ന കേസിലെ പ്രതികളുടെ രാഷ്ട്രീയ ബന്ധം തെളിയിക്കുന്ന ദൃശ്യങ്ങൾ കൈരളി ന്യൂസ്‌ പുറത്തുവിട്ടു. കഴിഞ്ഞ ദിവസം നടന്ന കോൺഗ്രസ് പരിപാടിയിൽ പ്രതികൾ പങ്കെടുക്കുന്ന ദൃശ്യങ്ങളാണ് കൈരളി ന്യൂസിന് ലഭിച്ചത്. പ്രതികൾ ആയ സജീവും, ഷാജിക്കും വെഞ്ഞാറംമൂട്ടിലെ പരിപാടിയിൽ പങ്കെടുക്കുന്ന ചിത്രമാണ് കെെരളി ന്യൂസിന് ലഭിച്ചത്.