ലേഡീസ് ഹോസ്റ്റലിലെ മോഷ്ടാവിനു 7 വർഷം കഠിനതടവ്

കാസര്‍ഗോഡ്: ലേഡീസ് ഹോസ്റ്റലിന്റെ പൈപ്പ് ലൈനിലൂടെ കയറി അകത്തുകടന്ന് മെഡിക്കല്‍ വിദ്യാര്‍ത്ഥിനിയുടെ എംടിഎം കാര്‍ഡ് കൈക്കലാക്കുകയും ഇതുപയോഗിച്ച് പണം തട്ടിയെടുക്കുകയും ചെയ്ത കേസിലെ പ്രതിയെ കോടതി ഏഴുവര്‍ഷം കഠിനതടവിന് ശിക്ഷിച്ചു. ഉള്ളാള്‍ പൊലീസ് സ്റ്റേഷന്‍ പരിധിയില്‍ താമസിക്കുന്ന നാഗേഷിനെ(30)യാണ് ജില്ലാ കോടതി ശിക്ഷിച്ചത്. 2017ലാണ് കേസിനാസ്പദമായ സംഭവം. ദേര്‍ളക്കട്ടയിലെ ലേഡീസ് ഹോസ്റ്റലില്‍ താമസിച്ചിരുന്ന മലയാളിയായ മെഡിക്കല്‍ വിദ്യാര്‍ഥിനിയുടെ എടിഎം കാര്‍ഡ്, മൂവായിരം രൂപ എന്നിവയും മറ്റൊരു പെണ്‍കുട്ടിയുടെ മൊബൈല്‍ ഫോണും നാഗേഷ് മോഷ്ടിച്ചുവെന്നാണ് കേസ്. പുലര്‍ച്ചെ 4.30 മണിയോടെ ഹോസ്റ്റലിന് പിന്നിലെ പൈപ്പ്ലൈന്‍ വഴിയാണ് നാഗേഷ് അകത്തു പ്രവേശിച്ചത്. തുടര്‍ന്ന് 22 കാരിയായ വിദ്യാര്‍ഥിനിയെ ഭീഷണിപ്പെടുത്തി അഞ്ച് ലക്ഷം രൂപ ആവശ്യപ്പെട്ടു. ഇതിന് വിസമ്മതിച്ചപ്പോള്‍ മുറിയില്‍ നിന്ന് മൂവായിരം രൂപയും എ.ടി.എം കാര്‍ഡും കൈക്കലാക്കിയ നാഗേഷ് അടുത്ത മുറിയില്‍ ഉറങ്ങുകയായിരുന്ന പെണ്‍കുട്ടിയുടെ മൊബൈല്‍ ഫോണും മോഷ്ടിച്ചിരുന്നു. നാഗേഷ് എടിഎം കാര്‍ഡ് ഉപയോഗിച്ച് കങ്കനാടിയിലെ എടിഎം കൗണ്ടറില്‍ നിന്ന് പണം പിന്‍വലിക്കുകയും ചെയ്തു. എടിഎമ്മിലെ വിരലടയാളം, സിസിടിവി എന്നിവ കേന്ദ്രീകരിച്ച് നടത്തിയ അന്വേഷണത്തിലാണ് നാഗരാജ് കുടുങ്ങിയത്.