സ് മിത വന്നത് അരുടെ അക്കൗണ്ടില്‍ ബിജെപിയില്‍ പുതിയ തര്‍ക്കം

കേന്ദ്രസഹമന്ത്രി വി മുരളീധരന്‍ അന്താരാഷ്ട്ര സമ്മേളനത്തില്‍ പങ്കെടുപ്പിച്ച സ്മിത മേനോനെച്ചൊല്ലി ബിജെപിയില്‍ തര്‍ക്കം. ഇതോടെ മുരളീധരന്‍ പാര്‍ടിക്കകത്തും പ്രതിരോധത്തിലായി.

മഹിളാമോര്‍ച്ച സംസ്ഥാന സെക്രട്ടറിയായശേഷമാണ് സ് മിത മേനോനെക്കുറിച്ച് താന്‍ അറിയുന്നതെന്ന് ബിജെപി സംസ്ഥാന ജനറല്‍ സെക്രട്ടറി എം ടി രമേശ് പറഞ്ഞതോടെയാണ് പുതിയ കലാപം.
അതിനുമുമ്പ് തനിക്ക് അവരെക്കുറിച്ച് അറിയില്ല. ഇക്കാര്യത്തില്‍ കൊടുവള്ളിയില്‍ വാര്‍ത്താലേഖകരോട് സംസാരിക്കവേയാണ് ഇക്കാര്യം രമേശ് പറഞ്ഞത്. സ് മിത മേനോനെ തനിക്ക് മുന്‍ പരിചയമില്ലെന്ന് മഹിളാമോര്‍ച്ച സംസ്ഥാനനേതാവ്അഡ്വ. നിവേദിത സുബ്രഹ്മണ്യനും പറഞ്ഞു. സെക്രട്ടറി ചുമതലയില്‍ വന്നത് മുതലുള്ള പരിചയമേയുള്ളൂ. ഭാരവാഹികളെ തയ്യാറാക്കിയത് ഒരു പാനലാണ്.

സ് മിതയെ സംസ്ഥാന സെക്രട്ടറിയാക്കാനുള്ള പ്രവര്‍ത്തന പാരമ്പര്യം, സംഘടനാ ബന്ധം എന്നീ ചോദ്യങ്ങളില്‍ ഉത്തരംമുട്ടി നില്‍ക്കുകയാണ് നേതൃത്വം. ബിജെപിയുടെ അനുബന്ധ സംഘടനകളിലൊന്നും പ്രവര്‍ത്തിച്ച് പരിചയമില്ലാത്തവര്‍ സംസ്ഥാന ഭാരവാഹിയായതിലുള്ള എതിര്‍പ്പാണ് പലരും പ്രകടിപ്പിക്കുന്നത്. പി കെ കൃഷ്ണദാസിന്റെ നേതൃത്വത്തിലുള്ള മുരളീധര വിരുദ്ധപക്ഷം വിഷയം പാര്‍ടിക്കകത്ത് ശക്തമായി ഉന്നയിക്കും.
സ്മിതയെ അറിയില്ലെന്ന് പറഞ്ഞ് അതൃപ്തിയും എതിര്‍പ്പും സംസ്ഥാന ജനറല്‍ സെക്രട്ടറി എം ടി രമേശിലൂടെ ഈ വിഭാഗം പരസ്യമാക്കിക്കഴിഞ്ഞു.

സ് മിതയെ അബുദാബിയിലെ മന്ത്രിതല സമ്മേളനത്തില്‍ പങ്കെടുപ്പിച്ചതിലോ സ്വര്‍ണക്കടത്ത് വിവാദങ്ങളിലോ മുരളീധരനെ ന്യായീകരിക്കാന്‍ കൃഷ്ണദാസ് പക്ഷം ഇതുവരെ തയ്യാറായിട്ടില്ല്. നയതന്ത്ര വിഷയത്തില്‍ പ്രധാനമന്ത്രി അന്വേഷിക്കട്ടെ എന്നതാണിവരുടെ നിലപാട്.