സ്വപന എത്തിയത് ഷാര്‍ജാഭരണാധികാരിയുടെ സന്ദര്‍ശന വേളയില്‍ ?

സ്വപ്‌നയുടെ മൊഴിയുമായി വീണ്ടും മാധ്യമങ്ങള്‍ സജീവം. മുഖ്യമന്ത്രി സ്വപ്നയെ അറിയും എന്ന് വരുത്തി തീര്‍ക്കാനുള്ള പരിശ്രമത്തിന്റെ ഭാഗമായിട്ടണ് പുതിയ നീക്കം.

എം.ശിവശങ്കറിനെ പരിചയപ്പെട്ടത് മുഖ്യമന്ത്രി പിണറായി വിജയന്റെ വസതിയില്‍ വച്ചായിരുന്നെന്നു സ്വര്‍ണക്കടത്ത് കേസ് പ്രതി സ്വപ്ന സുരേഷിന്റെ മൊഴി. ഇതാണ് വാര്‍ത്ത ,
2017ല്‍ നടന്നത് അനൗദ്യോഗിക കൂടിക്കാഴ്ചയായിരുന്നെന്നും സ്വപ്ന എന്‍ഫോഴ്‌സ്‌മെന്റ് ഡയറക്ടറേറ്റിന് (ഇഡി) മൊഴി നല്‍കിയിട്ടുണ്ട്. യുഎഇ കോണ്‍സല്‍ ജനറലും മുഖ്യമന്ത്രിയും തമ്മിലായിരുന്നു കൂടിക്കാഴ്ച.
. കോണ്‍സില്‍ ജനറലിനൊപ്പമായിരുന്നു മുഖ്യമന്ത്രിയുടെ ഔദ്യോഗിക വസതിയില്‍ എത്തിയതെന്ന കാര്യം വാര്‍ത്ത പ്രസദ്ധീകരിച്ചവര്‍ മറച്ചുവച്ചു.

2017 ലാണ് ഈ സന്ദര്‍ശനം ഈ സമയത്ത് യു എ ഇ കോണ്‍സുലേറ്റിലെ ധാരാളം ഉദ്യോഗസ്ഥര്‍ മുഖ്യമന്ത്രിയുടെ ഓഫീസുമായും ബന്ധപ്പെട്ടിരുന്നു, കാരണം ആ സമയത്താണ്
ഷാര്‍ജ ഭരണാധികാരി ഡോ. ഷേക്ക് സുല്‍ത്താന്‍ ബിന്‍ മുഹമ്മദ് അല്‍ ഖാസി കേരളത്തിലേക്ക് എത്തുന്നത്. ഇതിന് മുന്നോടിയായി കോണ്‍സിലേറ്റില്‍ നിന്നുള്ള സന്ദര്‍ശനവും നിന്നുള്ള സന്ദര്‍ശനവും ഉണ്ടായിട്ടുണ്ട്.
പുറത്തുവരുന്ന മൊഴിയിലെ വിവരങ്ങള്‍ അനുസരിച്ചാണെങ്കില്‍ അംബാസിഡറുടെ സന്ദര്‍ശനത്തിന് മുന്‍പാണ് കോണ്‍സില്‍ ജനറലിന്റെ അനൗദ്യോഗിക സന്ദര്‍ശനം. ഈ കാര്യങ്ങള്‍ക്ക്
അന്ന് തന്റെ സെക്രട്ടറിയായിരുന്ന ശിവശങ്കറിനെ ബന്ധപ്പെടാന്‍ മുഖ്യമന്ത്രി നിര്‍ദേശിക്കുകയും ചെയ്തു.
സെപ്റ്റബര്‍ 23 ന് ഷാര്‍ജ ഭരണാധികാരി ഡോ. ഷേക്ക് സുല്‍ത്താന്‍ ബിന്‍ മുഹമ്മദ് അല്‍ ഖാസിമിയുടെ കേരള സന്ദര്‍ശനത്തിന് മുന്നോടിയായി ഇന്ത്യയിലെ യു.എ.ഇ അംബാസഡര്‍ ഡോ. അഹമ്മദ് അല്‍ ബന്ന മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി. മുഖ്യമന്ത്രിയുടെ ഓഫീസിലായിരുന്നു കൂടിക്കാഴ്ച. യു.എ.ഇ. സുപ്രീം കൗണ്‍സില്‍ അംഗം കൂടിയായ ഷാര്‍ജ ഭരണാധികാരിയെ സ്വീകരിക്കാന്‍ കേരളം നടത്തുന്ന ഒരുക്കങ്ങളില്‍ അംബാസഡര്‍ നന്ദിയും സന്തോഷവും പ്രകടിപ്പിച്ചിരുന്നു , ഇതെല്ലാം ആ സമയങ്ങളില്‍ വാര്‍ത്തകളില്‍ വന്നിരുന്നതാണ് . അതാണ് പുതിയ കഥകള്‍ മെനഞ്ഞെടുക്കുന്നതിന് കൂട്ടാക്കി മാറ്റിയിരിക്കുന്നത്.