പ്രഖ്യാപനം നടത്തി, ജോസ് കെ മാണി ഇടതില്‍

ജോസ് കെ മാണിയുടെ കേരള കോണ്‍ഗ്രസ് എമ്മിന്റെ എല്‍ ഡി എഫ് പ്രവേശനം ഔദ്യോഗികമായി പ്രഖ്യാപിച്ചു. ഇതോടെ യു ഡി എഫുമായി ദീര്‍ഘകാല ബന്ധത്തിന് അവസാനമായി. പാലായിലെ ജോസ് കെ മാണിയുടെ വസതിയില്‍ പാര്‍ലമെന്ററി പാര്‍ട്ടി യോഗം ചേര്‍ന്നതിന് ശേഷമാണ് പ്രഖ്യാപനം നടത്തിയത്. 38 വര്‍ഷത്തിന് ശേഷമാണ് മുന്നണി മാറുന്നത്. രാജ്യസഭാ സീറ്റ് രാജിവെക്കുന്നതായി ജോസ് കെ മാണി അറിയിച്ചു.1982 ന് ശേഷമാണ് ആദ്യമായാണ് കേരളം കോണ്‍ഗ്രസ്സ് എല്‍ ഡി എഫില്‍ എത്തുന്നത്.
കോട്ടയത്ത് അഞ്ചു സീറ്റില്‍ ധാരണയായി. പാലായും കാഞ്ഞിരപ്പള്ളിയും ജോസ് കെ മാണിക്ക് തന്നെയാണ്. 21 സീറ്റുകളിലാണ് എല്‍ ഡി എഫുമായി ധാരണയായത്. കോണ്‍ഗ്രസില്‍ നിന്ന് കടുത്ത അനീതിയാണ് നേരിട്ടത്, പാലാ ഉപ തെരെഞ്ഞെടുപ്പില്‍ ചതി നേരിട്ടു, പ്രശ്‌നങ്ങള്‍ പല തവണ ഉന്നയിച്ചിട്ടും യു ഡി എഫ് പരിഗണിച്ചില്ല, കെ എം മാണിയെ യു ഡി എഫ് ചതിച്ചു എന്നും ജോസ് കെ മാണി പറഞ്ഞു. അതിരൂക്ഷ വിമര്‍ശനമാണ് ജോസ് കെ മാണി യു ഡി എഫിനെതിരെ ഉന്നയിച്ചത്. വര്‍ഗീയതയെ ചെറുക്കുന്നത് എല്‍ ഡി എഫാണെന്ന് ജോസ് കെ മാണി പറഞ്ഞു.