പിണറായി സര്‍ക്കാര്‍ ധൈര്യപൂര്‍വ്വം വെല്ലുവിളി ഏറ്റെടുത്തു; കെ.കെ. രാഗേഷ്

ഉമ്മന്‍ചാണ്ടി സര്‍ക്കാര്‍ സ്ഥലമേറ്റെടുക്കുന്നതിലെ വിഷമതകള്‍ ചൂണ്ടിക്കാട്ടി ഏതാണ്ട് ഉപേക്ഷിച്ച പദ്ധതിയായിരുന്നു ദേശീയപാതാവികസനം എന്നാല്‍ പിണറായി സര്‍ക്കാര്‍ ധൈര്യപൂര്‍വ്വം ആ വെല്ലുവിളി ഏറ്റെടുത്തുവെന്ന് കെ.കെ. രാഗേഷ് എംപി. കേരളത്തിന്റെ മുഖച്ഛായ തന്നെ മാറ്റുന്ന വികസനപദ്ധതികള്‍ക്കാണ് കേന്ദ്രമന്ത്രി നിതിന്‍ ഗഡ്കരിയും മുഖ്യമന്ത്രി പിണറായി വിജയനും തുടക്കമിട്ടത്. ദേശീയപാതാവികസനത്തിന് 12691 കോടി രൂപയുടെ ഏഴ് പദ്ധതികളാണ് നടപ്പിലാകുന്നത്. കേരളജനതയുടെ ദീര്‍ഘകാലമായുള്ള കാത്തിരിപ്പിനാണ് ഇതോടുകൂടി വിരാമമാകുന്നത്. പ്രധാനമന്ത്രിയെയും കേന്ദ്രമന്ത്രിമാരെയും സന്ദര്‍ശിക്കാന്‍ മുഖ്യമന്ത്രിയോടൊപ്പം പലതവണ പോകാന്‍ അവസരമുണ്ടായിട്ടുണ്ടെന്നും അന്ന് കേരളത്തിന്റെ ദേശിയ പാതകളുടെ ശോചനീയാവസ്ഥ മുന്നില്‍ ചൂടിക്കണ്ടി മുഖ്യമന്ത്രി സംസാരിക്കുകയും സ്ഥലം ഏറ്റെടുക്കല്‍ നടപടിയ്ക്കല്‍ വേഗത്തിലാക്കുമെന്നു ഉറപ്പു നല്‍കിയതിന്റെയും ഫലമാണ് ഈ വിജയമെന്നും കെ.കെ. രാഗേഷ് എംപി പറയുന്നു.
കോണ്‍ഗ്രസ് മുഖ്യമന്ത്രിമാരെപ്പോലെയല്ല, പിണറായി വിജയന്‍ എന്ന് നിതിന്‍ ഖഡ്കരി എന്ന കേന്ദ്രമന്ത്രിക്ക് ബോധ്യമായ നിരവധി സന്ദര്‍ഭങ്ങളുണ്ട്. ജനങ്ങളുടെ ആവശ്യങ്ങളോട് പുറംതിരിഞ്ഞുനില്‍ക്കാന്‍ അദ്ദേഹത്തിനറിയില്ല. അതുകൊണ്ട് തന്നെയാണ് നവകേരളയജ്ഞം അദ്ദേഹത്തിന്റെ കൈകളില്‍ ഭദ്രമാണെന്നും രാഗേഷ് എംപി ഫേസ്ബുക്ക് പോസ്റ്റില്‍ കുറിച്ചു.