ഉള്ളത് പ്രതികളുടെ മൊഴികള്‍മാത്രം ശിവശങ്കറിനെതിരെ തെളിവുകള്‍ തേടി കസ്റ്റംസ്

വിവാദമായ സ്വര്‍ണകടത്ത് കേസിലും മറ്റ് കേസുകളിലും കേന്ദ്ര ഏജസികള്‍ വിടാതെ പിന്‍തുടരുന്ന മുന്‍ പ്രിന്‍സിപ്പല്‍ സെക്രട്ടറി ശിവശങ്കറിനെതിരെ ഇതുവരെ തെളിവുകള്‍ ഒന്നും ലഭിച്ചിട്ടില്ലന്ന് വിവരം.
ശിവശങ്കറിനെ അറസ്റ്റുചെയ്യും എന്ന വാര്‍ത്ത വന്നിട്ട് മണിക്കൂറുകള്‍ കഴിഞ്ഞിട്ടും അദ്ദേഹം അഡ്മിറ്റായിരിക്കുന്ന മെഡിക്കല്‍ കോളേജില്‍ ഒരു ഉദ്യോഗസ്ഥരും എത്തിയിട്ടില്ല. സാധാരണ നിലതില്‍ അറസ്റ്റിലേക്കാണങ്കില്‍ നടപടികള്‍ എടുക്കേണ്ട സമയം കഴിഞ്ഞു.
പ്രതികളിലെ മൊഴികളിലെ കാര്യങ്ങള്‍ ഇക്കാര്യം ശിവശങ്കര്‍ കഴിഞ്ഞദിവസം നടന്ന ചോദ്യം ചെയ്യലില്‍ നിഷേധിച്ചു. മറ്റൊരു പ്രതി കെ.ടി. റമീസിനൊപ്പമുള്ള ഫോട്ടോ കാണിച്ചപ്പോള്‍, യഥാര്‍ഥമല്ലെന്നായിരുന്നു മറുപടി.
ഔദ്യോഗിക യാത്രകള്‍ക്ക് സ്വകാര്യ പാസ്‌പോര്‍ട്ടും ടൂറിസ്റ്റ് വീസയും ഉപയോഗിച്ചതിനെക്കുറിച്ചു ചോദിച്ചപ്പോള്‍, സംസ്ഥാന സര്‍ക്കാരിന്റെ അനുമതിയോടെയാണെന്നു ശിവശങ്കര്‍ വിശദീകരിച്ചു. കേന്ദ്രസര്‍ക്കാരിന്റെ അനുമതിയില്ലാത്ത യാത്രകളുടെ മുഴുവന്‍ ചെലവും വഹിച്ചതു സംസ്ഥാന സര്‍ക്കാരാണെന്നും അദ്ദേഹം കസ്റ്റംസിനു മൊഴി നല്‍കി. ഈ വാദങ്ങള്‍ തെളിയിക്കാനുള്ള രേഖകള്‍ ഹാജരാക്കാന്‍ ആവശ്യപ്പെരിക്കുകയാണ്.

മതഗ്രന്ഥങ്ങള്‍ കോണ്‍സുലേറ്റ് വഴി ഇറക്കുമതി ചെയ്ത ശേഷം പുറത്തു വിതരണം ചെയ്തതില്‍ ശിവശങ്കറിനു പങ്കില്ലെന്നു വ്യക്തമായിട്ടുണ്ട്.

ഈന്തപ്പഴം അനാഥാലയങ്ങളില്‍ വിതരണം ചെയ്തതു തന്റെ നിര്‍ദേശപ്രകാരമാണെന്നു കസ്റ്റംസിനോടു ശിവശങ്കര്‍ സമ്മതിച്ചിട്ടുണ്ട്. ഇതുമായി ബന്ധപ്പെട്ട കേസില്‍ ശിവശങ്കറില്‍നിന്നു പിഴ ഈടാക്കാനാണു കസ്റ്റംസ് തീരുമാനം.