ചെന്നിത്തലയുടെ രാഹുല്‍ വിമര്‍ശനം കോണ്‍ഗ്രസില്‍ പുതിയ നീക്കങ്ങള്‍

കേരള സന്ദര്‍ശനം നടത്തിയ രാഹുല്‍ഗാന്ധിയുടെ പത്രസമ്മേളന പരാമര്‍ശങ്ങള്‍ക്കെതിരെ പ്രതിപക്ഷ നേതാവ് രമേശ് ചെന്നിത്തല തന്നെ രംഗത്തു വന്നത് ദേശീയ രാഷ്ട്രീയത്തില്‍ കോണ്‍ഗ്രസിന് തിരിച്ചടി ആകുന്നു.
ഗാന്ധികുടുംബത്തിന് എതിരെ കേരളത്തില്‍ നിന്ന് ശശിതരൂരിന്റെ നേതൃത്വത്തില്‍ ഒരു നീക്കം നടത്തിന്റെ അലയടികള്‍ അടങ്ങിവരുമ്പോഴാണ് ചെന്നിത്തലയുടെ വിമര്‍ശനം . കാര്യങ്ങള്‍ അറിയാതെയാണ് രാഹുല്‍ സംസാരിക്കുന്നതെന്നാണ് ബിജെപി അദ്ദേഹത്തിന്റെ എല്ലാ പ്രസ്താവനകള്‍ക്കും മറുപടിയായി നല്‍കുന്നത്.
അതിന് സമാനമായ വിമര്‍ശനമാണ് ചെന്നിത്തല നടത്തിയതെന്ന് ഹൈക്കാമന്റിലെ ഒരു വിഭാഗം നേതാക്കള്‍ ആക്ഷേപം ഉന്നയിച്ചുകഴിഞ്ഞു. ദേശീയ മാധ്യമങ്ങളും , ബി ജെപി യും ഇത് ആയുധമാക്കിയാല്‍ മറുപടി എന്ത് പറയും എന്നതാണ് ഇവരുടെ ചോദ്യം .
പാര്‍ട്ടിയുടെ ജനറല്‍ സെക്രട്ടറി വേണുഗോപാല്‍ ഇക്കാര്യത്തില്‍ വിശദീകരണം നല്‍കാനാണ് സാധ്യത. കെ പി സി സി പ്രസിഡന്റ് മുല്ലപ്പള്ളി രാമചന്ദ്രനും ഇക്കാര്യത്തില്‍ കടുത്ത അതൃപ്തിയുണ്ട്.
കേരളത്തിലെ പ്രാദേശിക വിഷയത്തില്‍ രാഹുല്‍ ഗാന്ധിയേ പോലുള്ളവര്‍ അഭിപ്രായം പറയേണ്ടതില്ലെന്ന് രമേശ് ചെന്നിത്തല. പ്രദേശിക വിഷയങ്ങളില്‍ അഭിപ്രായം പറയാന്‍ തങ്ങളെപ്പോലുള്ളവര്‍ ഉണ്ടെന്നാണ് ചെന്നിത്തല വാര്‍ത്താസമ്മേളനത്തില്‍ പറഞ്ഞത്. കൊവിഡ് പ്രതിരോധത്തില്‍ രാഹുല്‍ ഗാന്ധി കേരളത്തെ പ്രകീര്‍ത്തിച്ചിരുന്നു. ഇതാണ് ചെന്നിത്തലയെ പ്രകോപിച്ചത്.

മികച്ച വികേന്ദ്രീകൃത സംവിധാനങ്ങളാണ് പ്രതിരോധപ്രവര്‍ത്തനങ്ങളുടെ കാര്യത്തില്‍ കേരളത്തെ വ്യത്യസ്തമാക്കുന്നത്. രോഗത്തെ അതിജീവിക്കാനുള്ള കഴിവ് കേരളത്തിനുണ്ടെന്നുമാണ് കഴിഞ്ഞ ദിവസം രാഹുല്‍ ഗാന്ധി പറഞ്ഞിത്. ഇതിനെ കുറിച്ചുള്ള മാധ്യമങ്ങളുടെ ചോദ്യത്തിനാണ് രാഹുലിനെ തള്ളിയുള്ള ചെന്നിത്തലയുടെ പ്രതികരണം.
ദേശീയ അന്വേഷണ ഏജന്‍സികളെ രാഷ്ട്രീയ ലക്ഷ്യത്തിന് വേയി മാത്രമാണ് ഉപയോഗിക്കുന്നതെന്നും രാഹുല്‍ പറഞ്ഞത് കോണ്‍ഗ്രസിന്റെ ദേശീയനയമാണ് അതിനെയും ചെന്നിത്തല തള്ളിപ്പറഞ്ഞിരിക്കുകയാണ്. ഇത് മുന്‍നിര്‍ത്തി ചെന്നിത്തലയെ ഒതാക്കാനാണ് പുതിയ നീക്കം.
മുല്ലപ്പള്ളിരാമചന്ദ്രന്‍ തലപ്പത്ത് എത്തിയതുപോലെ മറ്റാരെങ്കിലും തിരഞ്ഞെടുപ്പ് നയിക്കാന്‍ എത്തിച്ചേരാന്‍ സാധ്യതയുണ്ട്. ചെന്നിത്തലയെ പാടെ ക്കതുക്കാന്‍ ആഗ്രഹിക്കുന്ന ഉമ്മന്‍ചാണ്ടി ഇതിന് പിന്‍തുണ നല്‍കുന്നുമുണ്ട്.