പാലക്കാട് പോക്‌സോ കേസില്‍ 13 ദിവസം കൊണ്ട് കുറ്റപത്രം

പാലക്കാട് പോക്‌സോ കേസില്‍ 13 ദിവസം കൊണ്ട് കുറ്റപത്രം

പാലക്കാട്: പോക്‌സോ കേസില്‍ 13 ദിവസം കൊണ്ടു കുറ്റപത്രം സമര്‍പ്പിച്ചു നാട്ടുകല്‍ പൊലീസ് റെക്കോഡ് തിരുത്തി. കഴിഞ്ഞ 9 ന് സ്‌കൂളില്‍നിന്നു മാര്‍ക്ക് ലിസ്റ്റ് വാങ്ങി മടങ്ങുകയായിരുന്ന പതിനഞ്ചുകാരിയെ എടത്തനാട്ടുകരയില്‍ വച്ച് കടന്നുപിടിക്കുകയും കാറില്‍ വലിച്ചുകയറ്റാന്‍ ശ്രമിക്കുകയും ചെയ്ത സംഭവത്തില്‍ ബന്ധുക്കളുടെ പരാതിയില്‍ പിറ്റേന്നുതന്നെ യുവാവിനെ അറസ്റ്റ് ചെയ്തിരുന്നു.
ഇയാളുടെ റിമാന്‍ഡ് കാലാവധി കഴിയുന്നതിനു മുമ്പു തന്നെ പൊലീസിനു കുറ്റപത്രം സമര്‍പ്പിക്കാന്‍ കഴിഞ്ഞു. നേരത്തെ സമാനമായ കേസില്‍ പതിനഞ്ചു ദിവസം കൊണ്ടു ചാലിശ്ശേരി പൊലീസ് കുറ്റപത്രം സമര്‍പ്പിച്ചിരുന്നു. ഈ റെക്കോര്‍ഡ് ആണ് നാട്ടുകല്‍ പൊലീസ് മറികടന്നത്. നാട്ടുകല്‍ എസ്.ഐ. അനീഷ് മാത്യുവിനായിരുന്നു കേസിന്റെ അന്വേഷണച്ചുമതല.