ബി.ഡി.ജെ.എസ് ഇടയുന്നു; ശോഭ സുരേന്ദ്രനുമായി നീക്കുപോക്ക്; ബിജെപി യെ വെട്ടിലാക്കി ശോഭ

തദ്ദേശ സ്വയംഭരണ തെരഞ്ഞെടുപ്പ് അടുക്കാനിരിക്കെ സംസ്ഥാനത്ത് ബി.ജെ.പിയെ പ്രതിസന്ധിയിലാക്കി ഭിന്നത രൂക്ഷമാകുന്നു. എന്‍.ഡി.എയിലെ പ്രമുഖ ഘടകകക്ഷിയായ ബി.ഡി.ജെ.എസ് ബി.ജെ.പിയോട് ഇടയുകയാണെന്ന റിപ്പോര്‍ട്ടുകളാണ് പുറത്തു വരുന്നത്.

ബി.ജെ.പി സംസ്ഥാന നേതൃത്വത്തിനെതിരെ തുറന്ന പോരുമായി രംഗത്തെത്തിയ ശോഭാ സുരേന്ദ്രനൊപ്പം ബി.ഡി.ജെ.എസ് നീക്കങ്ങള്‍ നടത്തിയാല്‍ അത് ബി.ജെ.പിക്ക് വലിയ വെല്ലുവിളിയാകും. പുനസംഘടനയില്‍ തന്നെ തരംതാഴ്ത്തിയെന്നും ആരുടെയും വിഴുപ്പലക്കാന്‍ താത്പര്യമില്ലെന്നും ശോഭാ സുരേന്ദ്രന്‍ പരസ്യമായി പ്രതികരിച്ചിരുന്നു.