News Beyond Headlines
28 Tuesday
April
April
കേസ് അന്വേഷിച്ച് സത്യം പുറത്തുകൊണ്ടുവരുന്നതിന് പകരം സര്ക്കാരിന്റെ നയപരമായ കാര്യങ്ങളിലേക്ക് അന്വേഷണ ഉദ്യോഗസ്ഥന് ഇടപെട്ടാല് അത് അംഗീകിച്ച് കൊടുക്കാന് ആവില്ലന്ന് മുഖ്യമന്ത്രി പിണറായി വിജയന്.
ചില അന്വേഷണ ഏജന്സികളുടെ പ്രവര്ത്തികള് കാരണം ഭരണഘടനയുടെ അന്തസത്ത ലംഘിക്കപ്പെടുമ്പോള് ചിലത് പറയാതിരിക്കാന് കഴിയില്ല. സര്ക്കാരിന്റെ പദ്ധതികളുടെ കാര്യങ്ങള് പരിശോധിക്കണമെങ്കില് അതിന് ഭരണഘടനപരമായ മറ്റ് സംവിധാനങ്ങള് ഉണ്ട് , അതിനു പകരം ഭരണ നിര്വഹകണം നടത്തുന്ന ഉദ്യോഗസ്ഥരുടെ മനോവീര്യം കെടുത്താന് ഇറങ്ങിപ്പുറപ്പെടണ്ട.
സ്വര്ണക്കടത്തുമായി ബന്ധപ്പെട്ട കേസില് സര്ക്കാര് ശക്തമായ നിലപാട് എടുത്തു. രാജ്യത്തിന്റെ സാമ്പത്തിക സുരക്ഷയെ അസ്ഥിരപ്പെടുത്തുന്നതില് സമഗ്ര അന്വേഷണം വേണമെന്ന് ആദ്യം ആവശ്യപ്പെട്ടും എല്ലാ സഹായവും നല്കാമെന്ന് അറിയിക്കുകയും ചെയ്തു. അന്വേഷണം ന്യായമായി നീങ്ങുമെന്നായിരുന്നു സര്ക്കാരിന്റെ പ്രതീക്ഷ. തുടക്കത്തില് അന്വേഷണം നല്ല വഴിക്കായിരുന്നു. എന്നാല് പിന്നീട് ഏജന്സികളുടെ ഇടപെടല് പ്രതീക്ഷകളെ അസ്ഥാനത്താക്കി.
എന്തെങ്കിലും വെളിച്ചത്താകുമോ എന്ന ഭയം ആണ് സര്ക്കാരിന് എന്ന പ്രചരണം നടത്തുന്ന വിധത്തിലായി കാര്യങ്ങള്. രഹസ്യമായി നടത്തേണ്ട അന്വേഷണം ആവഴിക്ക് നടന്നില്ല. അന്വേഷണ സംഘത്തിന് പുറത്തുള്ളവര് എങ്ങനെ അന്വേഷണ സംഘം പ്രവര്ത്തിക്കണമെന്ന് പ്രഖ്യാപിക്കാന് തുടങ്ങി. മൊഴികളുടെ ഭാഗങ്ങള് താല്പര്യങ്ങള്ക്ക് അനുസരിച്ച് സെലക്ടീവായി ചോര്ന്ന് മാധ്യമങ്ങളില് വന്ന് തുടങ്ങി. അന്വേഷണം പ്രൊഫഷണലായി തുറന്ന മനസ്സോടെ ആകണം. കക്ഷി രാഷ്ട്രീയത്തിന് അതീതമായി തെളിവുകളുടെ അടിസ്ഥാനത്തില് പ്രവര്ത്തിക്കേണ്ട ഏജന്സികള് അതില് നിന്നെല്ലാം വ്യതിചലിക്കുമ്പോള് എവിടെ നീതി എന്ന ചോദ്യം ഉയരുകയാണ്.
മുന് വിധിയുടെ അടിസ്ഥാനത്തിലാണ് അന്വേഷണം നടക്കുന്നത്. അതങ്ങനെ ആകാന് പാടില്ല. ആരെയൊക്കെയോ പ്രതിസ്ഥാനത്ത് എത്തിക്കണം എന്ന ധാരണയോടെ നടക്കുന്ന പ്രക്രിയയെ അന്വേഷണമെന്ന് പറയാനാകില്ല. സ്വര്ണക്കടത്തുമായി ബന്ധപ്പെട്ട പ്രശ്നത്തില് തുടങ്ങിയ അന്വേഷണം ലൈഫ് മിഷനിലേക്കും ഇ മൊബിലിറ്റി പദ്ധതിയിലേക്കുംഎല്ലാം എത്തി. ഇതിനെതിരെ ഒക്കെ ആരോപണങ്ങള് എയ്ത് വിടുന്ന സ്ഥിതി ഉണ്ടായി. ഒന്നിലധികം ഏജന്സികള് കേസ് കൈകാര്യം ചെയ്ത് വരികയാണ്. അന്വേഷണ ഏജന്സിയുടെ തെളിവുശേഖരണത്തിന് ഉദ്യോഗസ്ഥനെ വിളിച്ച് വരുത്താം. രേഖകള് പരിശോധിക്കാം. എന്നാല് ഇതിനെല്ലാം പരിധിയുണ്ട്.
തീരാശാപമായി നില്ക്കുന്ന കള്ളപ്പണം നിയന്ത്രിക്കാന് കര്ശന നിയമങ്ങള് ഉണ്ടായി . അതിലൊന്നാണ് കള്ളപ്പണം വെളുപ്പിക്കല് നിരോധന നിയമം. ഇതിനെല്ലാം അപ്പുറമുള്ള ഇടപെടലാണ് അന്വേഷണ ഏജന്സികളുടെ ഭാഗത്ത് നിന്ന് ഉണ്ടാകുന്നത്. ഭൂരഹിതര്ക്ക് അടച്ചുറപ്പുള്ള ഭവനം ഉറപ്പാക്കാന് ലക്ഷ്യമിട്ടുള്ളതാണ് ലൈഫ് പദ്ധതി. ലൈഫ് പദ്ധതി സുതാര്യമാണ്. സര്ക്കാരിന്റെ വികസന പദ്ധതികളെ ഇരുട്ടില് നിര്ത്താന് ശ്രമം. ലൈഫിനെ ആകമാനം താറടിക്കാന് ശ്രമിക്കുകയാണ്. ലക്ഷ്യം കൈവരിക്കുന്നത് തടയാനാണ് ശ്രമം നടക്കുന്നത്. അന്വേഷണ ഏജന്സികള് പരിധി ലംഘിക്കുകയാണ്. ചെലവും വരുമാനവും പരിശോധിക്കാന് സിഎജി ഉണ്ട്.
സിഎജിയെ ചുമതലപ്പെടുത്തിയ ജോലി കള്ളപ്പണ നിരോധന നിയമം അനുസരിച്ചാണോ ചെയ്യേണ്ടത്. എല്ലാം കേന്ദ്ര ഏജന്സികള് കയ്യടക്കുന്ന സ്ഥതിയാണ് ഇപ്പോഴുള്ളത്. സംസ്ഥാന സര്ക്കാരിനെ ആകെ കുറ്റവാളിയെന്ന ദൃഷ്ടിയോടെ കാണുകയും ഉദ്യോഗസ്ഥരുടെ മനോവീര്യം തകര്ക്കുകയും രാഷ്ട്രീയ പ്രതിയോഗികള്ക്ക് ചെയ്യാം. പക്ഷെ അന്വേഷണ ഏജന്സികള്ക്ക് ആകാമോ എന്നാണ് ചോദ്യം. ഓരോ ഏജന്സിക്കും അതിന്റെ അതിര് വരമ്പുണ്ട്.
സത്യവാചകം ചൊല്ലി ഒരാള് നല്കുന്ന മൊഴി എങ്ങനെയാണ് പ്രത്യേക രൂപത്തില് മാധ്യമങ്ങള്ക്ക് മുന്നിലെത്തുന്നത് ? ഈ അന്വേഷണത്തില് ജനങ്ങള്ക്ക് വിശ്വാസമാണോ അവിശ്വാസം ആണോ ഉണ്ടാകുക, ഏജന്സികള് അന്വേഷണം ന്യായ യുക്തമായി ചെയ്യുമ്പോഴാണ് അതില് വിശ്വാസ്യത ഉണ്ടാകുക.
തിരക്കഥയ്ക്ക് അനുസരിച്ച് അന്വേഷണം നീങ്ങുന്നു എന്ന് തോന്നുന്നത് ജനാധിപത്യ സംവിധാനത്തിന് തിരിച്ചടിയാണ്. ഇതല്ല ജനം പ്രതീക്ഷിക്കുന്നത്. സര്ക്കാര് സഹായം നല്കുമെന്ന് പറഞ്ഞത് ഈ രിതീയിലുള്ള അന്വേഷണത്തിന് അല്ല , എല്ലാ അധികാരങ്ങളിലും ഏജന്സികള് കടന്ന് കയറുന്നു. അത് അവരുടെ സ്വയം അധികാര പരിധി ലംഘിക്കലും ഭരണഘടനാ ലംഘനവും ആണ്. നിയമത്തിന് അകത്ത് നിന്ന് സംസ്ഥാന സര്ക്കാര് ആവശ്യമായ ഇടപെടല് നടത്തും.
മുന്പെങ്ങുമില്ലാത്ത വികസന പദ്ധതികളാണ് ഈ സര്ക്കാര് കേരളത്തില് നടപ്പാക്കുന്നത്. അത് ഇകഴ്ത്തിക്കാട്ടാന് അന്വേഷണ ഏജന്സികളെ ഉപയോഗിക്കുന്നെന്ന് ആരെങ്കിലും ആരോപിച്ചാല് കുറ്റം പറയാനാകില്ല. ഉദാഹരണം കെ ഫോണ് പദ്ധതി. അതിന് ഇടങ്കോലിടുന്നത് ജനം പൊറുക്കില്ല. ഇന്റര്നെറ്റ് അവകാശമായി പ്രഖ്യാപിച്ച ആദ്യ സംസ്ഥാനമാണ് കേരളം. 52000 കിലോമീറ്റര് ഒപ്റ്റിക്കല് ഫൈബര് കേബിള് ഇട്ടുകഴിഞ്ഞു. കെ ഫോണ് ശൃഘലയാണ്. ഏത് വീട്ടിലേക്കും ഇന്റര്നെറ്റ് എത്തിക്കാന് പറ്റും. കെ ഫോണിനെ തകര്ക്കാന് ശ്രമിക്കുന്നവരോട് പറയാനുള്ളത് എന്ത് വിലകൊടുത്തും പദ്ധതി നടപ്പാക്കുമെന്നാണ്, ന്യായമായ എന്ത് അന്വേഷണവുമായും സഹകരിക്കും.
കോടതിക്ക് മേല് മനസാക്ഷിയെ പ്രതിഷ്ഠിക്കുന്ന രീതിയും സര്ക്കാരിനില്ല . അന്വേഷണ ഏജന്സികള്ക്ക് മേല് കക്ഷി രാഷ്ട്രീയത്തിന്റെ പരുന്ത് പറന്നാല് അത് അംഗീകരിക്കില്ല. തെറ്റായ രീതികളെ ഒരു കാരണവശാലും അംഗീകരിക്കില്ല. നയപരമായ അവകാശം ആര്ക്ക് മുന്പിലും അടിയറവ് വെക്കില്ല.
തിരുവനന്തപുരം ∙ മുഖ്യമന്ത്രി പിണറായി വിജയനുമായും സംസ്ഥാന സർക്കാരുമായും ഇടഞ്ഞുനിൽക്കുന്ന ഗവര്ണർ ആരിഫ് മുഹമ്മദ് ഖാനെ കടന്നാക്രമിച്ച് സിപിഎം സംസ്ഥാന more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം ടോപ് മോഡൽ ഫോണും…എന്നാൽ ധീരജിന് ഐഫോൺ more...
അനാവശ്യമായി ഹോണ് മുഴക്കിയാല് ഇനി പണി കിട്ടും.മുന്നറിയിപ്പുമായി കേരള പൊലീസ് രംഗത്തെത്തിരിക്കുകയാണ്. ഹോണ് നീട്ടിമുഴക്കിയില്ലെങ്കില് എന്തോ കുറവു പോലെയാണ് ചിലര്ക്കെന്നും more...
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. 1996 സെപ്റ്റംബർ 17നാണ് ആദ്യമായി കേരളത്തിൽ more...
തിരുപ്പതി വെങ്കടാചലപതി ക്ഷേത്രത്തിൽ ദർശനം നടത്തി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. ക്ഷേത്രത്തിലേക്ക് ഒന്നരക്കോടി രൂപയും സംഭാവന ചെയ്തു. more...
ഐഫോൺ ചിലർക്ക് ഒരു സ്റ്റാറ്റസ് സിമ്പലാണ്…മറ്റ് ചിലർക്ക് സുരക്ഷ ഉറപ്പ് നൽകുന്ന ഇനം .....
കേരളത്തിൽ ആദ്യമൊയി മൊബൈൽ ഫോൺ കോൾ എത്തിയിട്ട് ഇന്ന് 26 വർഷം തികയുന്നു. .....
ദില്ലി: 70 വർഷത്തിന് ശേഷം ഇന്ത്യയിലേക്കെത്തി ചീറ്റപുലികൾ. ഇന്നലെ നമീബിയയില് നിന്നും പുറപ്പെട്ട .....
കോട്ടയം∙ കഴിഞ്ഞ ശനിയാഴ്ച മംഗളൂരു – തിരുവനന്തപുരം എക്സ്പ്രസിൽ(16348) സഞ്ചരിക്കവേ ട്രെയിനിനു നേരെയുണ്ടായ .....
ന്യൂഡൽഹി∙ എലിസബത്ത് രാജ്ഞിയുടെ സംസ്കാരചടങ്ങുകളിൽ രാഷ്ട്രപതി ദ്രൗപദി മുർമു പങ്കെടുക്കും. രാജ്ഞിയുടെ സംസ്കാരച്ചടങ്ങിൽ .....