സി.എം.പി അരവിന്ദാക്ഷന്‍ പക്ഷത്തിന്റെ ചിഹ്നം മരവിപ്പിച്ചു

സി.എം.പി അരവിന്ദാക്ഷന്‍ പക്ഷത്തിന്റെ തെരഞ്ഞെടുപ്പ് ചിഹ്നമായ ടെലിവിഷന്‍ സംസ്ഥാന തെരഞ്ഞെടുപ്പ് കമ്മീഷന്‍ മരവിപ്പിച്ചു. സി.എം.പി അരവിന്ദാക്ഷന്‍ പക്ഷത്തിലെ എം.അജിബും എം.വി.രാജേഷും തമ്മില്‍ ടെലിവിഷന്‍ ചിഹ്നം അനുവദിക്കുന്നതു സംബന്ധിച്ചുണ്ടായ തര്‍ക്കത്തെ തുടര്‍ന്നാണ് ചിഹ്നം മരവിപ്പിച്ച് സംസ്ഥാന ഇലക്ഷന്‍ കമ്മീഷണര്‍ വി.ഭാസ്‌ക്കരന്‍ ഉത്തരവ് പുറപ്പെടുവിച്ചത്. വരുന്ന തെരഞ്ഞെടുപ്പില്‍ മത്സരിക്കുന്നതിനായ് കമ്മീഷന്‍ പ്രസിദ്ധീകരിച്ചിട്ടുള്ള സ്വതന്ത്ര ചിഹ്നങ്ങള്‍ ലഭിക്കുന്നതിന് രണ്ടു പക്ഷക്കാര്‍ക്കും അപേക്ഷ നല്‍കാം. എം.അജീബ് നല്‍കിയ പരാതിയില്‍ എതിര്‍കക്ഷിയായ എം.വി.രാജേഷിന്റെ വാദം കേട്ടതിനു ശേഷമാണ് കമ്മീഷന്‍ ഉത്തരവ് പുറപ്പെടുവിച്ചത്.