രാഹുലിന്റെ പിണക്കം, കൊടിക്കുന്നിലിന്റെ പിന്‍തുണതേടി ചെന്നിത്തല

തിരഞ്ഞെടുപ്പിന് ശേഷം കോണ്‍ഗ്രസില്‍ നേതാവാകാന്‍ ഹൈക്കമാന്റിന്റെ പിന്‍തുയ്ക്കായി കൊടിക്കിലിന്റെ പിന്‍തുണ തേടി ചെന്നിത്തല. ഒപ്പം നിന്നിരുന്ന കെ സി വേണുഗോപാല്‍ കൈവിാതോടെയാണ് കൊടിക്കുന്നിലെ കൂടെ കൂട്ടാന്‍ ശ്രമിക്കുന്നത്.
എകെ ആന്റണിയുടെ മാനസ പുത്രനായാണ് കൊടിക്കുന്നില്‍ അറിയപ്പെടുന്നത്. എന്നാല്‍ ഇപ്പോള്‍ എ ഗ്രൂപ്പില്‍ ആന്റണിക്ക് വലിയ റോളില്ല. ഉമ്മന്‍ ചാണ്ടിയാണ് കാര്യങ്ങള്‍ തീരുമാനിക്കുന്നത്. ഇതോടെ ഹൈക്കമാണ്ട് ബന്ധമുള്ള കൊടിക്കുന്നിലിന് ഗ്രൂപ്പില്‍ വലിയ സ്ഥാനം ഇല്ലാതെയായി. അതിനാല്‍ കേരളത്തില്‍ ഗ്രൂപ്പില്ലാതെ നില്‍ക്കുകയാണ് കൊടിക്കുന്നില്‍ എന്നാല്‍ പാര്‍ലമെന്റില്‍ രാഹുലിന്റെയും സോണിയയുടെയും വിശ്വസ്ഥനാണ്.
സ്വതന്ത്രനിലപാടില്‍ കഴിയുന്ന കൊടിക്കുന്നിലിനോട് രമേശ് ചെന്നിത്തലയടക്കമുള്ള പ്രമുഖ നേതാക്കള്‍ ആശയവിനിമയം നടത്തിയിട്ടുണ്ട്.

മൂന്നുവര്‍ഷംമുന്‍പ് കൊല്ലം ഡി.സി.സി. പ്രസിഡന്റായിരിക്കെയാണ് കൊടിക്കുന്നില്‍ എ ഗ്രൂപ്പില്‍ നിന്ന് അകലുന്നത്. ആന്റണിയുടെ അതിവിശ്വസ്തന്‍ അതിന് ശേഷം കേരളത്തില്‍ സ്വതന്ത്രനാണ് ബന്ധം പുലര്‍ത്തി.

കെപിസിസി. പ്രസിഡന്റായിരുന്ന വി എം.സുധീരനുമായി പുലര്‍ത്തിയ അടുപ്പമാണ് ഉമ്മന്‍ ചാണ്ടിയെ വിഷമിപ്പിച്ചത്. ആന്റണിയുടെ നിര്‍ദ്ദേശ പ്രകാരമായിരുന്നു സുധീരനൊപ്പം നിലയുറപ്പിച്ചത്. ഉമ്മന്‍ ചാണ്ടിയുടെ നേതൃത്വം അംഗീകരിക്കുന്നില്ലെന്നായിരുന്നു കൊടിക്കുന്നിലിനെതിരേ എതിര്‍പക്ഷം ഉയര്‍ത്തിയ ആരോപണം. ആന്റണിയില്‍ നിന്ന് ഈ ഘട്ടത്തില്‍ എ ഗ്രൂപ്പ് പൂര്‍ണ്ണമായും ഉമ്മന്‍ ചാണ്ടിയുടേതായിരുന്നു.
ഹൈക്കമാന്റുമായി ഉമ്മന്‍ചാണ്ടി അകന്നതാണ് യഥാര്‍ത്ഥത്തില്‍ കൊടിക്കുന്നിലിന്റെ അകല്‍ച്ചയ്ക്ക് കാരണം . നിലവില്‍ രാഹുലിന്റെ ഹിറ്റ് ലിസ്റ്റിലാണ് ചെന്നിത്തല. ബിജെപി യോട് അടുക്കുന്നു എന്ന പ്രചരണം ചെന്നിത്തലയ്ക്ക് തീരാ ദുരിതമാണ് ഡല്‍ഹിയില്‍ വരുത്തിയിരിക്കുന്നത്. അതില്‍ നിന്ന് മോചനം കിട്ടണമെങ്കില്‍ ഹൈക്കമാന്റില്‍ നല്ല പിടിവേണം.
രാഹുലിനെതിരെ പ്രസ്താവന ഇറക്കിയത് മാത്രമല്ല കെവി തോമസിനെ വെട്ടിയതും ചെന്നിത്തലയ്ക്ക് തിരിച്ചടി ആയിട്ടുണ്ട്.
ആന്റണിയുടെ അനുമതിഇല്ലാതെ കൊടിക്കുന്നില്‍ ഒന്നും ചെയ്യില്ല എന്നാണ് അദ്ദേഹത്തിന്റെ വിശ്വസ്ഥര്‍ പറയുന്നത്.