മുസ്ലിം ലീഗിനെതിരെ രൂക്ഷ വിമര്‍ശനവുമായി എ വിജയരാഘവന്‍

മുസ്ലിം ലീഗിനെതിരെ രൂക്ഷ വിമര്‍ശനവുമായി എല്‍ഡിഎഫ് കണ്‍വീനര്‍ എ വിജയരാഘവന്‍. എം.സി കമറുദ്ദീന്റെ അഴിമതിയെ പൂര്‍ണമായും മൂടി വെക്കുന്ന സമീപനമാണ് ലീഗ് സ്വീകരിക്കുന്നതെന്ന് എ വിജയരാഘവന്‍ പറഞ്ഞു.അഴിമതിയെ ലീഗ് ന്യായീകരിക്കുന്നു. പണം തട്ടിയെടുക്കലിനെ കച്ചവടത്തിലെ നഷ്ട്ടമായാണ് കാണുന്നത്. എല്ലാത്തിനെയും കച്ചവടമായി പരിഗണിക്കുന്ന രീതി ലീഗിനുണ്ടെന്നും വിജയരാഘവന്‍ ആരോപിച്ചു. കോണ്‍ഗ്രസ്സ് നേതാക്കള്‍ക്കെതിരെയും അന്വേഷണം നടക്കുന്നുണ്ട്. എല്ലാ അന്വേഷണവും ലക്ഷ്യത്തിലെത്തിയാല്‍ ഒരു ഡസനിലധികം യുഡിഎഫ് എം എല്‍എമാര്‍ കുടുങ്ങും. ആ ഭയം കൊണ്ടാണ് ലീഗ് കമറുദ്ദീനെ പിന്തുണക്കുന്നതെന്നും എ വിജയരാഘവന്‍ പറഞ്ഞു. ഗുരുതരമായ തട്ടിപ്പിനെ ലീഗ് ന്യായീകരിച്ചതോട് കൂടി കോണ്‍ഗ്രസ് നേതൃത്വവും അഴിമതിയെ ന്യായീകരിക്കുന്നു. ലീഗ് നേതൃത്വത്തെ കോണ്‍ഗ്രസ് ഭയപ്പെടുന്നതിന് തെളിവാണിതെന്നും എ വിജയരാഘവന്‍ പറഞ്ഞു.