പൂഞ്ഞാര്‍ തെക്കേക്കരയില്‍ നിഷ വിജയിച്ചു

പൂഞ്ഞാര്‍ തെക്കേക്കര പഞ്ചായത്തിലെ 12 ാം വാര്‍ഡ് ശ്രദ്ധ പിടിച്ച് പറ്റുന്നത് മത്സരരംഗത്ത് ഇറങ്ങിയ സ്ഥാനാര്‍ത്ഥികളുടെ പേരു കൊണ്ടാണ് . മൂന്ന് മുന്നണികളും രംഗത്തിറക്കിയിരിക്കുന്നത് നിഷമാരെയാണ്. ആദ്യം തന്നെ സ്ഥാനാര്‍ത്ഥിയെ പ്രഖ്യാപിച്ച് തിരഞ്ഞെടുപ്പ് ഗോഥയിലേക്ക് ഇറങ്ങിയത് കോണ്‍ഗ്രസാണ് . മുന്നണിയില്‍ കോണ്‍ഗ്രസിന് ആണ് സീറ്റ് എന്ന് വ്യകതമായതോടെ നിഷ ഷാജി പുളിക്കക്കുന്നേലിനെ സ്ഥാനാര്‍ത്ഥിയായി പ്രഖ്യാപിക്കുകയായിരുന്നു. പിന്നാലെ സിപിഎമ്മും സ്ഥാനാര്‍ത്ഥിയെ പ്രഖ്യാപിച്ചു . നിഷ സാനുവിനെയാണ് എല്‍ഡിഎഫ് രംഗത്തിറക്കിയത്. നിഷമാര്‍ തമ്മിലുള്ള പോരാട്ടമാകും ഇവിടെ എന്ന് ഉറപ്പായതിന് പിന്നാലെ ബിജെപിയും സ്ഥാനാര്‍ഥിയെ പ്രഖ്യാപിച്ചു. നിഷാ വിജിമോനാണ് ഇവിടെ ബിജെപിക്ക് വേണ്ടി മത്സരിക്കുന്നത്.
എല്‍ഡിഎഫ് യുഡിഎഫ് സ്ഥാനാര്‍ത്ഥികള്‍ അധ്യാപികമാരാണെന്ന പ്രത്യേകതയും ഉണ്ട്. എന്‍ഡിഎ സ്ഥാനാര്‍ഥി നിഷ ഗ്രാഫിക് ഡിസൈനറാണ്. വാര്‍ഡില്‍ തന്നെ ജനിച്ച് വളര്‍ന്ന് നിഷാ ഷാജി വ്യക്തി ബന്ധങ്ങള്‍ വോട്ടായി മാറുമെന്ന പ്രതീക്ഷയിലാണ് മത്സരരംഗത്ത് എത്തിയിരിക്കുന്നത്. പൂഞ്ഞാര്‍ തെക്കക്കര മുന്‍ഗ്രാമപഞ്ചയാത്ത് വൈസ് പ്രസിഡന്റ് ടി.എസ് സ്നേഹാധനന്‍ നടത്തിയ വികസനപ്രവര്‍ത്തനങ്ങള്‍ ഉയര്‍ത്തികാണിച്ചാണ് എല്‍ഡിഎഫ് സ്ഥാനാര്‍ഥി നിഷ സാനു പ്രചരണം നടത്തുന്നത്.
സാധാരണ അപരന്മാരെക്കൊണ്ടുള്ള ശല്ല്യമാണ് സ്ഥാനാര്‍ത്ഥികള്‍ക്ക് ഉണ്ടാകുന്നതെങ്കില്‍ കടലാഡിമറ്റം വാര്‍ഡില്‍ സ്ഥാനാര്‍ത്ഥികളുടെ പേരിലെ സാദൃശ്യം ആണ് കൗതുകമാന്നത്. തൊട്ടടുത്ത ഏഴാം വാര്‍ഡിലും സ്ഥിതി ഭിന്നമല്ല. ജനപക്ഷത്തിന് വേണ്ടി ആനിയമ്മ സണ്ണി ജനവിധി തേടുമ്പോള്‍ എല്‍ഡിഎഫിന് വേണ്ടി രംഗത്തിറങ്ങിയിരിക്കുന്നത്. ആനിയമ്മ ജോസഫാണ്. സ്ഥാനാര്‍ഥികളുടെ പേരിലെ സാദൃശ്യം പൂഞ്ഞാര്‍ തെക്കേക്കര പഞ്ചായത്തിലെ ഈ രണ്ടു വാര്‍ഡുകളെയും ശ്രദ്ധാകേന്ദ്രമാക്കുന്നത്.