സുരേന്ദ്രന് അന്ത്യശാസനം പ്രശ്‌നം പരിഹരിച്ചില്ലങ്കില്‍ അഴിച്ചുപണി

കേരള ബിജെപിയിലെ പ്രശ്‌നങ്ങള്‍ പഞ്ചായത്ത് തിരഞ്ഞെടുപ്പിന് മുന്‍പ് പരിഹരിക്കാന്‍ വേണ്ട കാര്യങ്ങള്‍ ചെയ്തില്ലങ്കില്‍ കേന്ദ്രനേതൃത്വം ഇടപെടുമെന്ന് ബിജെപി ദേശീയ പ്രസിഡിന്റ്.
തിരഞ്ഞെടുപ്പില്‍ ഇതേ രീതിയില്‍ പോയാല്‍ അഞ്ചുവര്‍ഷം മുന്‍പ് ലഭിച്ച സീറ്റ് പോലും ലഭിക്കില്ലന്ന റിപ്പോര്‍ട്ടാണ് കഴിഞ്ഞ ദിവസം ബിജെപി ദേശീയ പ്രസിഡന്റുമായി ചര്‍ച്ച നടത്തിയ ബിഡിജെഎസ് നേതാവ് തുഷാര്‍ വെള്ളാപ്പള്ളി അറിയിച്ചത്.
ബി ജെ പി ഗ്രൂപ്പ് പോരിനെ തുടര്‍ന്ന് ഒരു ജില്ലകളിലും പാര്‍ട്ടി വേദി ലഭിക്കാതിരുന്ന സുരേന്ദ്രനെ കേന്ദ്രനേതാക്കളുടെ നിര്‍ദേശത്തെ തുടര്‍ന്ന് എന്‍ ഡി എ യോഗം വിളിച്ച് ബി ഡി ജെ എസ് നേതാക്കളുമായി ബന്ധുണ്ടാക്കി കൊടുത്തത് തുഷാര്‍ ആയിരുന്നു. അതിനുശേഷമാണ് സുരേന്ദ്രനെ മുരളീധരന്റെ അളികളും പരിപാടികള്‍ക്ക് വിളിച്ചു തുടങ്ങിയത്.
സംസ്ഥാനത്തെ പാര്‍ടിയെ യോജിപ്പോടെ കൊണ്ടുപോകണമെന്ന് സുരേന്ദ്രനോട് ദേശീയ അധ്യക്ഷന്‍ ജെ പി നദ്ദ നിര്‍ദേശിച്ചു. തദ്ദേശ തെരഞ്ഞെടുപ്പിനെ കുറിച്ച് ചര്‍ച്ച ചെയ്യാനെത്തിയപ്പോഴാണ് സുരേന്ദ്രനോട് നദ്ദ നയം വ്യക്തമാക്കിയത്. ഇതിന്റെ അടിസ്ഥാനത്തില്‍ ബിജെപിയുടെ സംസ്ഥാന നേതൃയോഗം ഉടന്‍ചേരും. അതിനു മുന്‍പ് ആര്‍ എസ് എസ് നേതാക്കളെ കാണാനും നിര്‍ദേശിച്ചിട്ടുണ്ട്.

കേരളത്തിലെ തമ്മിലടിയില്‍ ഇടപെടില്ലെന്ന് ആര്‍എസ്എസിനു പിന്നാലെയാണ് കേന്ദ്ര നേതൃത്വവും വ്യക്തമാക്കിയത്.തദ്ദേശ തെരഞ്ഞെടുപ്പ് പ്രഖ്യാപിച്ചശേഷം ബിജെപി ഒഴികെ പ്രധാന പാര്‍ടികളെല്ലാം നേതൃയോഗങ്ങള്‍ ചേര്‍ന്നു. ശോഭ സുരേന്ദ്രന്‍, പി എം വേലായുധന്‍ എന്നിവര്‍ നേതൃത്വത്തിനെതിരെ പരസ്യവിമര്‍ശനം ഉന്നയിച്ചു. മുതിര്‍ന്ന നേതാക്കളും ഇവരെ ആനുകൂലിച്ചതോടെ ഔദ്യോഗിക പക്ഷം ആശങ്കയിലായി. 24നേതാക്കള്‍ കേന്ദ്രനേതൃത്വത്തിന് പരാതിയുമയച്ചു. പ്രശ്നത്തില്‍ ഇടപെടാനാവശ്യപ്പെട്ട് കെ സുരേന്ദ്രനും വി മുരളീധരനും ആര്‍എസ്എസ് ആസ്ഥാനത്തെത്തി സഹായംതേടി. എന്നാല്‍ ഇടപെടാന്‍ ആര്‍എസ്എസ് തയ്യാറായില്ല. പകരം ഉടന്‍ പരിഹാരം കാണണമെന്ന നിര്‍ദേശമാണ് സുരേന്ദ്രന് നല്‍കിയത്. ആഭ്യന്തര പ്രശ്നങ്ങള്‍ പരിഹരിച്ചില്ലെങ്കില്‍ നിയമസഭാ തിരഞ്ഞെടുപ്പിന് മുന്‍പ് പാര്‍ട്ടി വീണ്ടും അഴിച്ചു പണിയുമെന്ന് കേന്ദ്ര നതാക്കള്‍ അറിയിച്ചിട്ടുണ്ട്.