യൂത്ത് കോണ്‍ഗ്രസ് നേതാവ് ആലപ്പുഴയില്‍ ബിജെപി സ്ഥാനാര്‍ത്ഥി

ആലപ്പുഴയില്‍ യൂത്ത് കോണ്‍ഗ്രസിന്റെ മുഖമായി നടന്ന നേതാവ് നേരം വെളുത്തപ്പോള്‍ ബിജെപി സ്ഥാനാര്‍ഥി. ആലപ്പുഴ തൈക്കാട്ടുശ്ശേരിയിലാണ് കൊല്ലം മോഡല്‍ മറുകണ്ടം ചാടല്‍ നടന്നത്. തൈക്കാട്ടുശേരി ബ്ലോക്ക് കോണ്‍ഗ്രസ് ജനറല്‍ സെക്രട്ടറി ജിബീഷ് വി കൊച്ചു ചാലിലാണ് കോണ്‍ഗ്രസ് നേതൃത്വത്തെ ഞെട്ടിച്ച് ് എന്‍ ഡി എ സ്ഥാനാര്‍ത്ഥിയായി തൈക്കാട്ടുശേരി ബ്ലോക്കിലേക്ക് മത്സരിക്കുന്നത്.

കെ എസ് യു ജില്ലാ നേതാവും മുന്‍ യൂത്ത് കോണ്‍ഗ്രസ് അരൂര്‍ മണ്ഡലം സെക്രട്ടറിയും ആണ് ജിബീഷ്. സീറ്റ് കൊടുത്തില്ലെങ്കില്‍ ബിജെപിയിലേക്ക് പോകും എന്ന ഭീഷണി ഉണ്ടായിരുന്നു. എന്നാല്‍ നേതൃത്വത്തിലെ മുതിര്‍ന്ന നേതാക്കളും ഇതേ നിലപാട് എടുത്തതോടെ സീറ്റ് ജിബീഷിന് നല്‍കിയില്ല.

സാമൂഹിക മാധ്യമങ്ങളില്‍ കോണ്‍ഗ്രസിന്റെ സജീവ സാന്നിധ്യം ആണ് ഒറ്റദിവസംകൊണ്ട് ബിജെപിയിലേക്ക് കൂറുമാറിയത്.